❗️Айтилишича, тезлиги 25 км/соатдан кам бўлган электровелосипедларга “А1” права талаб қилиниши тўғри эмас
Оддий велосипедда курьерлик қилиб бошлаганман, кунига 8—10 соатлаб 60—100 км масофа босиб ўтсам, эртаси куни оёқларим оғриб ишга чиқа олмасдим, кейинчалик электровелосипедга ўтдим, иш унумдорлигим ва шароитим яхшиланди, мушаклар оғриғи, терлаш, 2-3 соат ишлаб чарчаб қолиш каби муаммолар йўқолди. Шулар сабаб курьерлар учун электровелосипед қанчалик муҳим ва зарур транспорт воситаси эканини яхши биламан.
Қонунчиликдаги қуйидаги тартибга тўлиқ қўшиламан ва уни қўллаб-қувватлайман: Тезлиги 25 км/соатдан юқори, қуввати 250 Ваттдан ортиқ бўлган мопед ва скутерларга права олиш ва давлат рақами тақиш шарт. Чунки уларнинг тезлиги юқори ва кўчада хавфсизлик чораларига қатъий риоя этилиши керак.
Лекин, тезлиги 25 км/соат ва қуввати 250 Ваттгача бўлган енгил электровелосипедларга “А1” права талаб қилинишига қаршиман: 25 км/соат тезликдаги восита билан катта йўлда ҳаракатланиш хавфли, асосан вело-йўлаклар ва хавфсиз ҳудудларда юрилади, йўлакларда 20-25 км/соат тезликда ҳаракатланиш учун ҳайдовчилик гувоҳномаси сўралиши қайси мантиққа тўғри келади? Гувоҳнома талаб қилиняпти, лекин давлат рақами берилмайди, давлат рақами бўлмаса, назорат ва жавобгарлик барибир тўлиқ таъминланмайди-ку.
Деярли ҳамма курьерлар э-велосипедда ишлашади, уларни кўпчилиги талабалар, вақтинча ишлаб юрганлар, “доимий ишим, асосий касбим шу” деб қабул қилганларни сони жуда-жуда кам, бу ишга ҳеч ким “йиллаб ишлайман” деб кирмайди, вақтинчалик даромад учун “А1” правага харажат қилиши умуман тўғримас.
Абдулла Мухаммад ўғли
🤝@OPER_UZ – ОПЕРАТИВ ВА ХАВФЛИ ЯНГИЛИКЛАР КАНАЛИ!