12 YILDAN SO'NG OQLANGAN INSPEKTOR SUD QARORI BILAN ISHGA TIKLANDI

Mamlakatimiz sud-huquq tizimida izchillik bilan amalga oshirilayotgan yangilanish va o'zgarishlar jarayoni amalda kutilgan samaralarni bermoqda. Buni muqaddam nohaq sudlangan shaxslarning oqlanishi hamda o'z ishiga tiklanayotgani misolida ham yaqqol ko'rish mumkin.

Shu o'rinda fikrimizning isboti tariqasida bir fuqarolik ishiga e'tibor qaratsak, Husan Nig'matov 2009 yil may oyidan 2013 yilning fevral oyiga qadar bojxona idoralarida turli lavozimlarda faoliyat yuritib kelgan. Aniqrog'i, Toshkent viloyati bojxona boshqarmasining “Navoiy” chegara bojxona postining “Yuklarni bojxona ko'rigidan o'tkazish, ro'yxatga olish va rasmiylashtirish guruhi inspektori” lavozimida xizmat qilgan. Albatta, bu davr mobaynida H. Nig'matov zimmasiga yuklatilgan vazifalarni belgilangan talablar asosida bajargan.

Ammo 2014 yilda uning boshiga jiddiy tashvish tushadi: jinoyat ishlari bo'yicha Toshkent viloyati sudining 2014 yil 19 noyabrdagi hukmiga binoan Jinoyat kodeksining 182-moddasi 2-qismi “v”, “g” bandlari, 209-moddasi 2-qismi “a”, “b” bandlari va 210-moddasi 3-qismi “a”, “v” bandlari bilan aybdor deb topilib, 10 yil 6 oy muddatga ozodlikdan mahrum qilinadi.

Buning ustiga hali sud hukmi e'lon qilinmay turib, tergov jarayonidayoq egallab turgan lavozimidan ozod qilinadi. Vaholanki, “Davlat bojxona xizmati to'g'risida”gi qonunning 17-moddasida “Bojxona organi xodimini egallab turgan lavozimidan chetlashtirish haqida jinoyat ishi bo'yicha sud qarori chiqarilganida u egallab turgan lavozimidan ozod etiladi va avvalgi xizmat majburiyatlarini bajarish bilan bog'liq bo'lmagan quyi yoki teng lavozimga tayinlanadi yoxud bojxona organlari ixtiyorida qoldiriladi” deya qayd etilgan. Shunga qaramay, sobiq inspektor 2017 yil 7 dekabrga qadar ozodlikdan mahrum qilish jazosini o'tagan. Ammo...

👉 Batafsil

Veb-sayt I Telegram I Facebook I Instagram I YouTube