Ozarbayjon Respublikasining Xonkendi shahrida 16–17-oktabr kunlari “O‘zbekiston–Ozarbayjon oliy ta’lim sohasidagi hamkorlik” mavzusida O‘zbekiston va Ozarbayjon rektorlarining II forumi bo‘lib o‘tmoqda. Nufuzli xalqaro tadbirda ikki davlatning oliy ta’lim muassasalari rektorlari, prorektorlari, jumladan, O‘zbekiston Milliy universiteti o‘quv ishlari bo‘yicha prorektori Shuhrat Toshmatov ham ishtirok etmoqda.
Forumda Ozarbayjon Respublikasi fan va ta’lim vaziri Emin Amrullayev hamda O‘zbekiston delegatsiyasi rahbari, Toshkent davlat iqtisodiyot universiteti rektori Qo‘ng‘irotboy Sharipov boshchiligida ikki mamlakat oliy ta’lim muassasalari vakillari qatnashmoqda.
Tadbirda Ozarbayjonning 13 ta va O‘zbekistonning 17 ta oliy ta’lim muassasasi vakillari ishtirok etib, oliy ta’lim, ilm-fan va innovatsiyalar sohalaridagi hamkorlikni rivojlantirish masalalarini muhokama qilmoqda.
Forum doirasida ikki mamlakat oliy ta’lim muassasalari o‘rtasida 56 ta hamkorlik hujjatini imzolash rejalashtirilgan. Ushbu hujjatlar o‘zaro anglashuv memorandumlari, akademik almashinuv va qo‘shma ta’lim dasturlariga oid kelishuvlarni qamrab oladi.
📱Facebook 📱Instagram 📺YouTube 🌐 Linkedin 🕊Telegram