ONA TILI — MILLIY O‘ZLIK VA DAVLATCHILIK TIMSOLI

Namangan davlat texnika universiteti Axborot texnologiyalari va sun’iy intellekt fakultetida 21-oktyabr — O‘zbek tili bayrami kuni munosabati bilan “O‘zbek tili — milliy o‘zligimiz va mustaqil davlatchilik timsoli” shiori ostida ommaviy diktant loyihasi o‘tkazildi.

Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor Ma’rufjon Kayumov, O‘zbek tili va adabiyoti kafedrasi mudiri Saida Abdullayeva, fakultet dekan o‘rinbosari G‘ayratali Tuxliyev, tyutorlar hamda talabalar ishtirok etdi.

Ommaviy diktant davomida ona tilining milliy o‘zlikni anglash, ma’naviy merosni asrash va yosh avlodning nutq madaniyatini yuksaltirishdagi ahamiyatiga alohida e’tibor qaratildi. Davlat tiliga hurmat, uning sofligini saqlash hamda imlo me’yorlariga rioya etish har bir fuqaroning mas’uliyati ekani ta’kidlandi.

Loyiha talabalarning yozma savodxonligini mustahkamlash, imlo qoidalariga amal qilish ko‘nikmalarini rivojlantirish va o‘zbek tiliga bo‘lgan e’tiborini oshirishga qaratildi.

Ona tiliga ehtirom — milliy qadriyatlarga hurmat, davlat tiliga mas’uliyat esa yuksak fuqarolik madaniyatining ifodasidir.

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI