NAMDTU VA “APEX INSURANCE” O‘RTASIDA HAMKORLIK MEMORANDUMI IMZOLANDI

Namangan davlat texnika universiteti rektori Oybek Ergashev hamda “APEX INSURANCE” aksiyadorlik jamiyati boshqaruv raisi Jahongir Yunusov ishtirokida ikki tomonlama hamkorlik memorandumi imzolandi.

Mazkur memorandum ta’lim, ilm-fan va ishlab chiqarish integratsiyasini rivojlantirish, sug‘urta sohasi uchun malakali mutaxassislar tayyorlash hamda ilmiy ishlanmalarni amaliyotga tatbiq etishga qaratilgan.

Kelishuv doirasida qo‘shma ilmiy tadqiqotlar va innovatsion loyihalarni amalga oshirish, talabalar uchun ishlab chiqarish va malakaviy amaliyotlarni tashkil etish, kompaniyaning yetakchi mutaxassislarini o‘quv jarayoniga jalb qilish, professor-o‘qituvchilar va ilmiy izlanuvchilarning malakasini oshirish bo‘yicha hamkorlik yo‘lga qo‘yiladi.

Shuningdek, universitetda moliyaviy va sug‘urta savodxonligini oshirish, ilmiy-amaliy seminar va konferensiyalar tashkil etish, sug‘urta sohasining dolzarb masalalari bo‘yicha qo‘shma tadqiqotlar olib borish ham hamkorlikning ustuvor yo‘nalishlaridan hisoblanadi.

Ushbu memorandum universitet va real sektor o‘rtasidagi aloqalarni mustahkamlash, ta’limni amaliyot bilan uyg‘unlashtirish hamda mehnat bozori talablariga mos, raqobatbardosh mutaxassislar tayyorlash yo‘lidagi muhim kelishuvdir.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedI