11-oktyabr — Xalqaro qizlar kuni

Siz — mamlakatimizning intellektual salohiyati, ilm-fan va texnologiyalar taraqqiyotining faol ishtirokchilari, kelajak bunyodkorlarisiz!

Sizni zamonaviy bilimlarni puxta egallashga, muhandislik, robototexnika, axborot texnologiyalari, dizayn va boshqa istiqbolli yo‘nalishlarda o‘z salohiyatingizni namoyon etishga chorlaymiz.

Ilmiy tadqiqotlar olib boring, innovatsion loyihalar ishlab chiqing, startaplar va tanlovlarda faol ishtirok eting, xalqaro maydonlarda universitetimiz sharafini munosib himoya qilishga intiling. Har bir yangi bilimni amaliy ko‘nikmaga, har bir ezgu g‘oyani aniq natijaga aylantiring.

O‘z imkoniyatlaringizga ishoning, tashabbus ko‘rsatishdan cho‘chimang va yuksak marralarni ko‘zlang! Bugun egallagan bilimingiz ertangi kasbiy muvaffaqiyatingiz, amalga oshirgan loyihangiz esa kelajakdagi katta kashfiyotlar uchun zamin bo‘lishi mumkin.

Namangan davlat texnika universiteti talaba-qizlarni bilimli, tashabbuskor, raqobatbardosh va zamonaviy fikrlaydigan mutaxassislar bo‘lib kamol topishga, ilm-fan va texnologiyalar rivojiga munosib hissa qo‘shishga chorlaydi.

Zero, qizlarning ilmiy va kasbiy yutuqlari — jamiyat taraqqiyoti, millat salohiyati va mamlakat kelajagining muhim ko‘rsatkichidir!

11-oktyabr — Xalqaro qizlar kuni muborak bo‘lsin! Ilm bilan yuksaling, g‘oyalar bilan yangilik yarating, yutuqlaringiz bilan namuna bo‘ling!

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedIn