Mutolaa Zavqi

Kitobni siz tanlaysizmi yoki kitob siznimi?

Kitob do'koniga kirdingiz. Oldingizda yuzlab kitoblar. Muqovalari o'ziga jalb qiluvchi, qiziqarli va chiroyli. Mualliflari taniqli. Tavsiflari ham "allambalo".
Tavsiya qiluvchilar esa juda ko'p.

Xo'sh, qaysi kitobni tanlash kerak?

Ko'pchilik ayni shu yerda xato qiladi.

Kimdir eng trenddagi kitob qaysi, deb. Yana kimdir, bestseller qaysi, deb qidiradi va hokazo.

Aslida esa bundan muhimroq savolni o'zingizga berishingiz kerak.

"Menga hozir qaysi kitob kerak"

Chunki dunyodagi eng trendagi yoki bestseller bo'lgan kitob ham sizga ayni damda kerakli narsani bermasa, to'g'ri tanlov bo'lmasligi mumkin.

Shuning uchun eng to'g'ri tanlov qilish uchun o'zingizga quyidagi 3 ta savolni bering:

1. Hozir hayotimda/ishimda men duch kelayotgan muammolardan qaysi biriga javob beradi?

2. Qaysi ko'nikmalarni rivojlantirishim kerak?

3. Bu kitobni o'qib bo'lgach, o'zimda qanday o'zgarishlar ko'rishni xohlayman?


Javobingizni aniqlashtirib olsangiz, kitob tanlash ham oson bo'ladi.

Yaxshi kitob - shunchaki qiziqarli kitob emas.

U sizga hozir kerak bo‘lgan fikr/yechimni kerakli paytda bera oladigan kitobdir.

Keyingi kitobingizni bestseller bo‘lgani uchun yoki muqovasi yoqqani uchun emas,
sizga kerak bo‘lgani uchun tanlang.


Qani aytingchi, siz hozir qaysi savolga javob topishingiz kerak ekan?

@mutolaa_zavqdir

Assalomu alaykum, qadrli kitobxonlar!

Ancha vaqt bu yerda jim-jitlik hukm surdi.

Bugundan bu hukmronlik nihoyasiga yetadi.

Sog‘intirgan bitta — bu aniq
sog‘inganlar-chi nechta? 👀

Izohlarda birgina so‘z qoldiring: «Sog‘indim» 📚

Qani, Mutolaa Zavqini kimlar kutibdi? 🫶

9 ta eng yaxshi kitoblarni o'qib, o'qiganlaringizning 99 foizini unutib qo'yishingiz, umuman kitob o'qimay hech nima o'rganmasligingizdan ming chandon yaxshi. Ayniqsa, o'sha yodingizda qolgan atigi 1 foiz siz uchun kutilmagan manfaatlar keltirishi shubhasiz.

Shunday ekan, o'qiganingizning aksariyati yodingizda qolmayotganidan tashvish chekmang. Shunchaki o'qishda davom eting!

@mutolaa_zavqdir

Hayotingizda nima qilishni bilmay qolsangiz — mutolaa qiling.

Muammoning yechimini topolmasangiz — mutolaa qiling.

Yangi nigoh, yangicha g'oya kerak bo‘lsa — mutolaa qiling.

Motivatsiya izlayotgan bo‘lsangiz — mutolaa qiling.

Hammasidan to'yib-charchab, taslim bo'lar holga kelgan bo'lsangiz — mutolaa qiling.

Mutolaa qilish — hayotingizni osonlashtirishda eng katta yordamchilaringizdan biri bo'la oladi.

@mutolaa_zavqdir

Mutolaa payti sizning ham qarshingizda ba'zan kimdir turib olib sizga tinimsiz gapirib turadimi?

Hindistonning eng hayratlanarli jihatlaridan biri uning adabiy madaniyatidir.
Nyu-Dehlidagi gavjum chorrahalardan birida kitob sotuvchisi qo'lini kitoblar bilan to‘ldirib, yo‘ldan o‘tayotgan odamlar bilan hikoyalar ulashyapti.

Bizning chorrahalarda ham shu kabi holatni uchratishingiz uchun nima qilishingiz kerak, bilasizmi?

@mutolaa_zavqdir

Kitobga mukkasidan ketganingizning 5 alomati

1️⃣ O'qiyotgan kitobingiz juda yaxshi bo'lsa, ba'zan ovqatlanishni ham unutib qo'yasiz.

2️⃣ Tushlaringizda ham "kitobdagi olamlar"da kezib yurasiz.

3️⃣ Yomg'irli kunlarni yaxshi ko'rasiz, chunki uyda qolib kitob o'qish ayni muddao bo'ladi.

4️⃣ Orzuingizdagi uyni tasavvur qilar ekansiz, unda albatta bo'yi shiftgacha cho'zilgan shaxsiy kutubxonangiz va unga suyangan narvon bo'ladi.

5️⃣ Siz har doim kitob kinodan yaxshiroq ekaniga ishonasiz, ha har doim.

Qani ayting-chi, sizda ushbu alomatlarning qaysilari jamlangan ekan?

@mutolaa_zavqdir

Dengiz meduzasidan siyoh baliqqacha, sazandan kitgacha, amyobadan suv toshbaqalarigacha barcha jonzotlarning har biri alohida o'ziga xos go'zal yaratilishi, turli himoya vositalari, g'aroyib mudofaa usullari hamda turfa hayot dasturlari bilan Yaratuvchisining buyuk qudrati va hikmatiga dalolat qiladi. Aslida ularning barchasi umumiy shaklda ham Allohning borligi va birligini quyoshdek ravshan tarzda ko'rsatib beradi.

Dengizlar olamidagi ko'z qamashtiruvchi ko'rkamlik va intizom cheksiz qudrat va ilm, so'nmas hikmat Egasiga dalolat qilishini aql va qalb ko'zi bilan ko'rgandan keyin, hikmatini bilmay turib, katta baliqning kichik baliqni yutishini «yashash uchun «kurash», deya hayot falsafasi sifatida qabul qilish noto'g'ri, albatta.

Dengizda kichik baliqlar ham xuddi katta baliqlar kabi yashashi, hayotini davom ettirayotgani shuni ko'rsatadiki, yutish va yutilish behuda emas, balki barchasi ilohiy nazorat ostida amalga oshiriladi. Baliqlarning bir vaqtda millionlab urug' tashlashini hayotda naslini saqlab qolish uchun kurash, deb baholab bo'lmaydi. Bu son-sanoqsiz urug'lanish naslning davomini ta'minlash bilan bir qatorda, boshqa jonzotlarga ozuqa jihatidan yordam sifatida o'sha baliqning taqdiriga yozib qo'yilgan, deyish to'g'ri bo'ladi. Millionlab urug' tashlagan baliq bu urug'larning ijodkori emasligi va faqat yaratilish qonuniga muvofiq tarzda harakat qilayotgani, dengizlardagi o'zaro oziqlanish tizimi dasturi ham o'z-o'zidan yoki tasodifan emasligi shuni ko'rsatadi.

Agar baliqlar millionlab baliqlarni hech o'lmaydigan qilib dunyoga keltirganida va ular boshqa baliqlar tomonidan yeyilmaganida, dengizlar qisqa vaqt ichida toshib, quruqliklarni suv bosishi yoki dengizlar baliq bilan to'lganidan sasib ketishini xayolan hisobga olsak, ularning o'zaro oziqlanishi «kurash» natijasi emas, balki mukammal bir dasturning o'lchovli taqsimoti ekanini osongina tushunib yetamiz.

Yilda bir yoki ikki marta kurk (tovuqning tuxum qilishdan to'xtab, jo'ja ochishga tayyor holati) bo'ladigan va buning uchun o'rtacha o'ttiz dona tuxumga muhtoj bo'ladigan tovuqning deyarli butun yil davomida tuxum qo'yishini qanday izohlaysiz?..

Atrofimizni to'ldirib, o'rab turgan va hayotning o'zaro ko'maklashuv ekanini ko'rsatuvchi shuncha dalillardan ko'z yumib, mingdan bir nisbatdagi kurashga, yutish va yutilishga qarab, hayotni yashash zohiriy uchun kurashdan iborat deyish mumkinmi?

✏️«Hidoyat dalillari» kitobidan

@mutolaa_zavqdir

Shunchaki natijalaringizni yangilashni eslatish uchun bezovta qilyapmiz.
Aybga buyurmaysiz!

#Ey_kitobxon!

Vaqtingni qadrlagin. Chunki aslida senga berilgan omonatlarning eng qadrlisi — vaqt. U puldan ham, do‘stlardan ham, boshqa hamma narsadan ham muhimroq. Vaqt ortga qaytmaydi, buni yaxshi bilasan. Shunday ekan bir daqiqangni ham behuda sarflama.

@mutolaa_zavqdir

Natijalaringizni yangilashni unutmadingiz-a?

Kitob o'qish miyangizning neyron yo'llarini rivojlantiradi.

Diqqat bilan mutolaa qilish boshqalarni ichki kechinmalarini tushunish, tanqidiy fikrlash hamda muammolarni yechish qobiliyatingizni rivojlantiradi.

Dunyodagi olim-ulamolar, prezidentlar va yirik korxona yetakchilarining bari yiliga 50+ kitob o'qishadi.

Bilim sarmoya kabi vaqt o'tgani sayin ortib boradi va buyuk kuchga aylanadi.

Har kuni hech bo'lmasa bir sahifa o'qib boring, nimalar bo'lishini vaqt o'tishi bilan ko'rib borasiz!

@mutolaa_zavqdir

Natijalaringizni yangiladingiz-a?

Tez o'qish haqidagi 3 achchiq haqiqat

👎 Tez o'qish texnikasi — safsata
Matnni mazmunini yuzaki anglash bilan undagi bilimni singdirish orasida yer bilan osmoncha farq bor. Ularni bir deb o'ylasangiz, katta xato qilgan bo'lasiz.

✋ Tez o'qishlik umuman o'qimaslikdan ham yomonroq. Chunki tez o'qish ikki xavfli narsani keltirib chiqaradi, biri yuzaki bilim, boshqasi esa o'ziga asossiz ortiqcha ishonishni.

❗️ Agar tez o'qiyotgan bo'lsangiz, demak o'qiyotgan narsangiz ustida tafakkur va tahlil qilmayapsiz.
Mutolaaga jiddiy yondashish kerakligini unutibsiz.

@mutolaa_zavqdir