Moliya fakulteti

🇺🇿 4-sonli talabalar turar joyida “Moliya” kafedrasi tomonidan ma’naviy-ma’rifiy tadbir o’tlazildi

⚡ 2026-yil 8-oktabr kuni Toshkent davlat iqtisodiyot universitetining 4-sonli talabalar turar joyida “Moliya” kafedrasi tomonidan “Siyosiy qatag‘on qurbonlari xotirasini abadiylashtirish va ularning boy merosini yosh avlodga yetkazish” mavzusida ma’naviy-ma’rifiy tadbir tashkil etildi.

🔖Tadbirda universitetning “Ijtimoiy fanlar” kafedrasi professori, tarix fanlari doktori Rashidov Oybek Rasulovich mehmon sifatida ishtirok etib, siyosiy qatag‘onlarning ayanchli oqibatlari, qurbonlarning hayoti va ilmiy-ma’naviy merosi haqida ma’lumot berdi.

✅ Tadbir yoshlarning tarixiy xotirasini mustahkamlash, ajdodlar merosiga hurmatni oshirish hamda tinchlik va mustaqillikning qadriga yetish ruhida tarbiyalashga xizmat qildi.

✈️@moliya_fakulteti

💟💟💟

Pul siz uchun ishlayaptimi yoki siz pul uchunmi?

❗️TDIU Iqtisodchilar klubi tomonidan Moliya fakultetida "Cash flow" moliyaviy o‘yini tashkil etilmoqda!

🎯O‘yin davomida siz:

• moliyaviy qaror qabul qilishni o‘rganasiz;
• aktiv va passiv daromad tushunchalarini amalda qoʻllaysiz;
• investitsiya va risklarni boshqarasiz;
• boylar qanday fikrlashini his qilasiz.

📌Roʻyxatdan oʻtish uchun havola
(Ishtirokchilar random tarzda aniqlanadi)

⏰ Sana: 10-oktabr, shanba, soat 10:00

🔵@moliya_fakulteti

🟦🟦🟦🟦🟦

⚡2026-yil 8-oktabr kuni “O‘zbek tiliga davlat tili maqomi berilgan kun” munosabati bilan “Moliya” kafedrasi tashabbusi asosida “Til — millatning ma’naviy boyligi” mavzusida davra suhbati tashkil etildi.

🌟Tadbirda O‘zbekiston Yozuvchilar uyushmasi a’zosi, “Do‘stlik” ordeni sohibi, “Ma’naviy hayot” jurnali bosh muharriri o‘rinbosari Salomov Shodmonqul Jumayevich mehmon sifatida ishtirok etdi.

🔖Suhbat davomida ona tilimizning boy tarixi, milliy qadriyatlarimizni asrab-avaylashdagi o‘rni va yoshlar tarbiyasidagi ahamiyati haqida fikr almashildi. Mehmon tomonidan ijod namunalaridan she’rlar o‘qilib, tadbirga o‘zgacha ruh bag‘ishlandi.

☀️Mazmunli va samimiy muloqot talaba-yoshlarda ona tilimizga hurmat, milliy merosimizga ehtirom va faxr tuyg‘ularini yanada mustahkamladi.

@moliya_fakulteti

🟦🟦🟦 🟦🟦

Birovning xayolidagi qahramonni chiza olasizmi?

🔥TDIU Moliya fakulteti hamda Art Club jamoasi san’at ixlosmandlarini ushbu ijodiy sinovga chorlaydi.

❗️Kimdir tasvirlaydi, siz esa uning xayolidagi personajni yaratasiz! “ArtVerse — O‘zgalar tasavvuri” tanlovida tasavvur, ijod va mahorat bir nuqtada uchrashadi.

⏰Boshlanish vaqti: 10-oktyabr, soat 11:00 da
📍 Manzil: TDIU Moliya kampusi, 11-bino, 407-xona

🔵 @moliya_fakulteti

🟦🟦🟦 🟦🟦

Internetdagi ma’naviy tahdidlar: ulardan qanday himoyalanish mumkin?

🌐 TDIU “Moliya” kafedrasi tomonidan “Internet maydonidagi ma’naviy tahdidlar va ularga qarshi kurashishning usullari” mavzusida davra suhbati tashkil etilmoqda.

🎙Uchrashuvda Raqamli texnologiyalar vazirligi huzuridagi Sun’iy intellekt markazi mutaxassislari ishtirok etib, kiberxavfsizlik, soxta xabarlar, zararli kontent va ulardan himoyalanish usullari haqida fikr almashadilar.

📅Sana: 9-oktabr, juma
⏰Vaqt: 14:30

🔵@moliya_fakulteti

🌸 “NAFOSAT VA MAHORAT” TADBIRI BO‘LIB O‘TDI!

☀️2026-yil 7-oktabr kuni Toshkent davlat iqtisodiyot universitetining 2-sonli talabalar turar joyida Moliya fakulteti tomonidan talaba qizlar o‘rtasida “Nafosat va Mahorat” tadbiri tashkil etildi.

🎁Tadbir davomida ishtirokchilar Fruit Art, raqs, One Unique Talent va tezkor savol-javob shartlarida o‘zlarining chaqqonligi, ijodkorligi, bilim va iste’dodlarini namoyish etdilar. Tadbirda Talaba-qizlar maslahat kengashi raisi, dekan maslahatchisi Otaxonova Shoxyora hamda TFMB tyutori O‘tbosarova Maftuna ishtirok etdilar.

🏆 Qizg‘in va ko‘tarinki ruhda o‘tgan bellashuv yakunida faol ishtirokchilar munosib taqdirlandi. Tadbir talaba qizlarga unutilmas taassurot va ko‘tarinki kayfiyat ulashdi!

✈️@moliya_fakulteti