Газета "Мокшень правда"

Тавлась примась инжихть

«Тавла» образованиянь Центрась–школа, коса шабати ули кода варжамс виензон наукаса, технологияса и творчестваса. Яна Лантратова, РФ-са ломанень праватнень коряс уполномоченнайсь, Мордовияв рабочай поездканц пингста ульсь тя образованиянь Центраса. Школась шарфты мяль оцю профориентациять лангс. Тяса шабатне заняфт робототехникаса, физикаса, химияса, биологияса, содафтыхть инженернай профессиятнень и тяниень пингонь технологиятнень мархта. 6-11 классонь тонафнихненди эрь недяляня ётафнихть занятият «Россия–мои горизонты» программать коряс. Яна Лантратовать мяленц коряс, школаса эряви аф аньцек макссемс содамошит, но и лезнемс шабати шарьхкодемс, мезсь теенза мялень салай, мезьса сон вии и кодама профессия ёрай кочкамс. «Тавласа» пуроптфт творческяй и техническяй кружокт, волонтерскяй и патриотическяй объединеният, школьнай музей. Шабась варчсесыне виензон аф фкя направленияса. Тя пяк лезды сай пингонь профессиянь кочкамаса.

Зоопаркса эряфсь

Саранскяень зоопарку тя тунданя Черри самецть ускозь Пензаста, а Клара аванять–Подмосковьяста. Кода азозь специалисттне, синь кенерсть ни няфтемс афкуксонь характерснон. Синь ёрайхть лама содамс, шарьхкодемс. Тяфта, Черри лувондсыне бананатнень инь танцти ярхцамбялькс. Клара стане жа оцю мяльса ярхцси фруктада, но сембода пяк кельгсыне алхнень, мичкть и пидеф саразть. Тяка пингть синь ули марстонь танцти ярхцамбяльсна—унжатне. Зоопарконь сотрудникне надияйхть, што Черри и Клара кармайхть марса и сай пингть кеняртьфтсазь тяза сашендыхнень эсь потомстваснон мархта. Пара куля ули и лия эряйхнень колга. Кенгуру иднясь няевиста кассь и ётась оцювонь ярхцамбяльти. Теенза аф эряви ни тядянь сумкась, но кой-коста варжаксни тоза лофцонянкса.

ПРИСОЕДИНЯЙСЯ К СВОИМ! ВСТУПАЙ В ВОЙСКА БЕСПИЛОТНЫХ СИСТЕМ

Почему выбирают войска БПС?
контракт на один год и гарантированное увольнение по его истечению;
обязательное обучение более двух месяцев в учебных центрах Минобороны России опытными инструкторами;
служба исключительно в войсках БПС без перевода в другие подразделения;
возможность заменить военную службу по призыву на контракт со сроком на один год;
студентам предоставляется академический отпуск, а после контракта – гарантированное восстановление на прежнем месте учёбы.

Куда обращаться?
г. Саранск, ул. Большевистская, д. 81А,
тел.: +7 (8342) 38-56-40 или 117#4, а также подробная информация на сайте: https://clck.ru/3NLkXs

#ВойскаБПС

ПРИСОЕДИНЯЙСЯ К СВОИМ! ВСТУПАЙ В ВОЙСКА БЕСПИЛОТНЫХ СИСТЕМ

Почему выбирают войска БПС?
контракт на один год и гарантированное увольнение по его истечению;
обязательное обучение более двух месяцев в учебных центрах Минобороны России опытными инструкторами;
служба исключительно в войсках БПС без перевода в другие подразделения;
возможность заменить военную службу по призыву на контракт со сроком на один год;
студентам предоставляется академический отпуск, а после контракта – гарантированное восстановление на прежнем месте учёбы.

Куда обращаться?
г. Саранск, ул. Большевистская, д. 81А,
тел.: +7 (8342) 38-56-40 или 117#4, а также подробная информация на сайте: https://clck.ru/3NLkXs

#ВойскаБПС

Газета "Мокшень правда" pinned «Уважаемые жители! 12 августа в 11:00 пройдёт Прямой эфир с Главой Республики Мордовия Артёмом Здуновым на площадке Республики Мордовия ВКонтакте. ❓Как задать вопрос Главе Республики Мордовия? 1. Подписаться на MAX-канал «Здунов здесь» - https://max.ru/zdunov…»

Дорогие земляки! 12 августа в 11:00 встречаемся в прямом эфире на площадке «Республики Мордовия» ВКонтакте.

Свои вопросы и предложения оставляйте:
✅ под постом в канале MAX
✅ в комментариях к этому посту на моих ресурсах в VK и OK, на странице «Республики Мордовия».

#Прямойэфир2026

Уважаемые жители!

12 августа в 11:00 пройдёт Прямой эфир с Главой Республики Мордовия Артёмом Здуновым на площадке Республики Мордовия ВКонтакте.

❓Как задать вопрос Главе Республики Мордовия?

1. Подписаться на MAX-канал «Здунов здесь» - https://max.ru/zdunov
2. Оставить свой вопрос в комментариях под анонсом прямого эфира в MAX

Также вопросы можно оставить:

- на страницах Главы РМ Артёма Здунова в ВК (https://vk.ru/artem_zdunov?w=wall698349123_42083) и OK (https://ok.ru/artem.zdunov/statuses/157196151105572),

- на канале Республика Мордовия (https://vk.ru/wall-98502372_217501)

- на Госуслугах по ссылке https://clck.ru/3VAZbt,

- а также во время прямого эфира.

Эфир пройдёт при поддержке ЦУР РМ.

#ПрямойЭфир

«Эряскодода ётафтомс ярмаконтень аф пелькс счётс»

Аферисттне, конат нолясазь тя схемать, эвфнесазь эряфкшу ломаттнень, бта синь юмафтсазь банкса ванфтови ярмакснон. А меле мярьгондихть ётафтомс семботь аф пелькс счётс. Афкукс тя счетсь мошенникнень.
«Ня шитнень бабазти гайфтсть бта безопасностень службаста. Теенза азозь, бта карточкастонза кие-бди аньцек тяряфтсь саламс ярмак. Операциять сёлгозь, но ярмакне эрявихть куроконе ётафтомс кодама-бди аф пелькс счётс, штоба салайхненди перямс кить счётонцты...»
Сидеста фкя пингста килькшс повфть лангс шарфнихть мяль лама ломань. Кепотьксонди, васенда гайфнихть «Госуслугань техподдержкаста» и пачфнихть пенсионерти, бта банкне мекольдень пингть анайхть сонь кредитнай историянц колга информация. Аньцек ломанць путсы трубкать, эстокиге гайфти «банконь менеджерсь», кона азсы, што теенза кемокстазь оцю кредитонь максомать. Мзярда пенсионерсь азсы, што ашезь макссе заявка, сонь ушедыхть нинге сядонга пяк эвфнемонза. Бта аферисттне ёрайхть сувамс сонь счетонцты и сявсазь кредитть эстеест.
«Менеджерсь» сиренять кошардсы гайфтемс «Центробанконь представительти», кона теенза лезды. «Экспертсь» азсы, што пенсионерти ули кода юмафтомс сембе ярмаконзон и нинге ляды шумос.
Ломанць получай инструкция, коса теенза азсазь, кода валхтомс ярмакнень и прважамс синь бта аф пелькс счетонь реквизиттненди. Афкукс сембе суммась тушенды васькафнихненди. Мяляфтость—специальнай аф пелькс счётт аш.
Эрь банковскяй счетсь кармай аф пелькс, кда аф макссемс лиятненди секретнай даннайхть.

Курьерсь васькафтозень 1 миллионда лама цалковайс

Кода пачфнихть Мордовиянь прокуратураста, 39 кизоса цёрась Саранскяень и Рузаевкань кота пенсионерхнень кядьста васькафтозь сявсь 1 миллионда лама цалковай.
Алясь покодсь курьеркс мошенниконь группаса, кона гайфнесь эряфкшу ломаттненди и азондсь кальдяв куля сянь колга, што синь маластонь ломаньцна повсь аварияс. Аферисттне мярьгондсть эряфкшу ломаттненди авариясь повфнень инкса пандомс ярмак пчкафтомаснон инкса или кяшемс синь уголовнай преследованиять эзда. Ярмакнень пенсионерхне макссезь курьерти. Курьерсь, кочкаф суммать эзда кадондсь эстеенза аф оцю процент, лядыкснень ётафнезень мошенникнень счетс. Недяляньберьф тяфта «покодемста» пенсионерхнень кядьста сон кочкась 1 миллионда лама цалковай.

МАКССИ ИТТНЕНДИ ЦЕБЯРЬ СОДАМОШИТ

Аф кунара эсь 56 шачема шинц отмечазе Атюрьевскяй райононь Курташка велень средняй общеобразовательнай школань мокшень кялень и мокшэрзянь литературань учительсь Н.Я.Алёнина. Тяниень аф тёждя пингть илань ётафтомань колга сашендови аньцек арьсекшнемс. Телефон и интернет вельде Нина Яковлевнань седи ваксста поздравляндазь раднянза, учитель ялганза, велеряйхне. И тя шарьх-
котьф. Школаса Нина Яковлевна работай 32 кизода лама. Н.Я.Алёнинать пара мялезонза, мес получась тняра поздравления, кульсь пяк лама лямбе и седиень токай вал. Тя сембось корхтай оцю авторитетонц колга школаса, велеса, раднянзон ёткса.

Занязе омбоце вастть

Ня шитнень Инсарса ётафтовсь оцю спортивнай ила—ХV-це футболса налхкомань турнирсь. Синь эсост примасть участия 500 лама спортсмен кемонь регионцта. Торбеевскяй райононь командась занязе омбоце вастть.

Сувасть инь цебярьхнень ёткс

Ня шитнень Чебоксарса ётасть тёждя атлетикаса СВО-нь ветераттнень ёткса Всероссийскяй пялькстоматне. Эсост примась участия вейхксогемоньда лама боец 28 Россиянь регионцта. Мордовияста ня пялькстоматнень эса примасть участия вете геройхть. Нят: Александр Чулков, Виктор Суглин, Николай Кашкин, лиятне. Синь няфтсть аф кальдяв результатт пялькстомаса, сувасть странань инь цебярь спортсметтнень ёткс.

Адмиралть Фёдор Ушаковонь образоц мокшэрзянь литератураса

Фёдор Фёдорович Ушаков (13 февральста 1745–2 октябрьста 1817)–великай русскяй флотоводец, адмирал, Черноморскяй флотонь (1790–1798) и Средиземнай моряса Русско-турецкяй эскадрань (1798–1800) командующай. Сон сувась историяв кода аф сяськови флотоводец: марнек карьеранц пингста сонь кивок вестевок ашезе сяське, сон ашезь юмафта фкявок корабль и фкявок сонь подчиненнаец ашезь повонда пленц. Адмиралсь сяськсь вете оцю морской сраженияса: Фидониси островть ваксса, Керченскяй проливса, Тендра островть ваксса, Калиакрия мысть ваксса, Ионическяй острофнень и Корфу крепостть воляс нолдамста.

Коллективса—кемголмува ломань

Зубово-Полянскяй райононь МФЦ-са покоди аф оцю, но трудонь кельги коллектив, кона вов ни кемонь кизот максси услугат райононь эряйхненди. Тя аф оцю пингста ломаттненди тись лама пара тев.

МФЦ-нь филиалть Зубово-Полянскяй районца вятьсы И.И.Люкшина. Коллективса покоди 13 ломань. Эрсь эздост—афкуксонь профессионал. Филиалти сувси аф фкя велень пункт. Сосновка, Леплей, Явас, Ширингуши посёлкатнень эса аф кальдявста тиендьсазь эсь тевснон Е.П.Щукина, Н.П.Денисова, А.А.Чашевич, И.И.Алимова. Лама шнамань ломаньда покоди и Зубово-Полянань посёлкань филиалса. Нят С.В.Мялин, Л.Н.Левштанова, Е.Г.Панкова, И.В.Азанкова, О.А.Ермашева, Н.С.Канцова, А.Я.Люкшина, И.В.Манухина. Эсь профессиональнай праздникснон синь васьфтсазь трудонь оцю сатфксса.

Тевфтома аф лядонды

Атюрьевскяй райононь Каргоньжяй велеса лац содаф М.С.Маркинать лемоц. Тя трудонь кельги мокшавась сембе эсь эряфонц максозе «Сосновский» совхозти, потьнесь тракст. Тумок пенсияс, тевфтома ашезь ляда. Сонцень оцю хозяйствац. Тяда башка оцю лезкс максси тястонь церькавти. Кизотне ётайхть, сирешись чакай кенкшти. Шабрань велетнень эса церькафне цебярьхть, аньцек кода тоза пачкотькшнемс. А эсь церькавсот, кода корхтай Мария Степановна: «Ков аф арат, тоса комиссарат». И видец мокшавать. Эрь службати велень храмть лия аватнень мархта штасазь-урядасазь. Мезе эряви службанди, рамасазь, кандсазь кудста. Кой-коста кочксихть ярмаконя и велеряйхнень кядьста. Семботь тиендьсазь сянкса, штоба церькавсь панчсеволь, вятевольхть эсонза службатне. Храмонь настоятельсь, священниксь Николай (Н.Г.Большаков) аф мушенды валхт лездыенц, Мария Степановнань, шнамс. Сонцьке мокшавась шумос аф ляды.
—Батюшканьке цебярь,—корхтай сон.—Фкя кяль мархтонза мушенттама фалу. Тевда храмсонк лама, сатыхть сембонди. А кда аф карматама лездома, храмсь велеса куватьс аф кирди.
И тя виде. Кда аф Мария Степановна, велень лия аватне, пади, храмське пякстаф улель.
Шачсь и кассь Мария Степановна мокшень сире велеса Пакся Кярьгоняса Макаркиттнень трудонь кельги семьясост. Аляц, Степан Макаркин, сембе эсь эряфонц максозе совхозти, коса покодсь полеводкс, сторожкс, усксесь кши велень лавкатненди, тиендсь лия тефт. Тядяц, Татьяна Васильевна, тяфта жа покодсь совхозса, шачфтсь и касфтсь вете итть. Сембе синь арасть цебярь ломанькс. Вететнень эзда аньцек кафттне лядсть вели эряма. Антонина Степановна эряй шабрань Сире Кушка велеса, тяни тожа пенсионерка. Сазоронц аф юкснесы, инжикс сашенды сидеста.
Мария Степановна васенда тонафнесь Пакся Кярьгонянь школаса. Тоса ётась тонафнема Каргоньжяи. Получамок средняй образования, арьсесь лядомс вели. Шабакс якась и табаконь видема, и путфкснень мельге ванома. Усксесть жувататненди сенаж. А школать аделамда меле трудендакшнесь Оцядувонь участковай больницяса прачкаса. Муськондсь сярядихнень мельге больницянь паршить эса. Тевсь аф тёждятнень эздоль, но кинди-бди сон эрявсь тиемс.
Пинге ётазь васьфтезе эсь мирденц, Каргоньжяень цёрать И.И.Маркинонь. Иван Иванович пингть тарксема ашезь карма. Эстокиге кучсь кудат. И вов ни 47 киза марсот. Мария Степановна 35 кизода лама потьнесь «Сосновский» совхозса тракст. Фалу ульсь передовой дояркакс. Кодама аньцек казненза аш. Тянемс аньцек шнамань валса лятфнесы хозяйствань вятить Е.Т.Ермолаевонь. Сон лама тись совхозть кеподемаса, пичедсь ломаттнень инкса. Тяни Егор Тимофеевич кулоф. Лемонц каннесы Каргоньжяень од ульцясь. Ломаттневок корхнихть колганза аньцек шнамань валса. Иван Иванович тяка жа совхозса покодсь трактористокс. Тялонда трудендакшнесь фермаса
—Улель аньцек шумбраши, и кудонь тефнень тисаськ, и церькавтивок лезттама,—корхтай Мария Степановна.
Илья Вешкин.

Лиссть полуфиналти

Торбеевань мясомолочнай промышленностень колледжень студенттне лиссть «Я в Агро» Всероссийскяй пялькстомать полуфиналозонза. Пялькстоматне ётасть Саранскяйса и кочкасть пяк лама од ломаньда странаньконь ламоц уженянзон эзда. Мария Аронова, Яна Якунина, Егор Курчаев тисть выступленият «Кочкак сай пингть» номинациять коряс. «Полафтк цебярь шири» номинацияса эсь мялензон-арьсеманзон азозень И.В.Ермоленко. Студенттнень тя пялькстомати аноклазень Е.М.Полякова. Финалсь ётай Тула ошса августста.

Школась анок тонафнемань од кизоти

Аф лама пингта лядонды тонафнема од кизоти. Торбеевскяй райононь оцюнясь С.Ф.Шичкин, сонь заместителенза Н.Н.Киреев, А.И.Юганов марса образованиянь представительхнень мархта ванозь, кода мольфтевихть тефне Торбеева посёлкань 3№ средняй общеобразовательнай школаса. Зданияти пцтай 40 киза. Сон строяф 1987 кизоня. Тонафнема од кизоста одкстоптф школать партанзон ваксс озай 400 лама ученик. Штоба синь тонафнельхть одкстоптф, тяниень пингонь школаса, государствась нолдась 118 миллионда лама цалковай. Школась анок тонафнемань од кизоти.