Важная дата ў гісторыі Беларусі

121 год таму выйшаў Маніфест 17 кастрычніка.

Дакумент быў распрацаваны С.Ю. Вітэ па даручэнні цара Мікалая ІІ у сувязі з няспыннымі рэвалюцыйнымі хваляваннямі ў расійскай імперыі. Маніфест абвяшчаў «незыблемые основы гражданской свободы на началах действительной неприкосновенности личности, свободы совести, слова, собраний и союзов». Пашыраліся і выбарчыя правы, што адкрывала шлях да стварэння правобразаў палітычных інстытутаў і легальанй палітычнай актыўнасці.

Для Беларусі, як і для іншых паняволеных імперыяй народаў, Маніфест меў аграмаднае значэнне. Дастаткова сказаць што менш чым праз год пасля ягонага выдання, 1 верасня 1906 выйшла першая беларуская газэта "Наша Доля". Пачалі, як грыбы пасля дажджу, з’яўляцца легальныя беларускія суполкі.

І хаця хутка ўсе палажэнні Маніфеста былі забытыя і дзяржава вярнулася на звычны шлях рэпрэсій (тую ж "Нашу Долю" закрылі амаль адразу пасля выхаду першых нумараў, а яе нашчадак, "Наша Ніва" здолела пратрымацца з 1906 да 1915), Маніфест значна паспрыяў нацыянальнаму абуджэнню беларусаў.