“ICT WEEK Uzbekistan 2026”doirasida Startup & Venture Summit bo‘lib o‘tmoqda. Tadbir startap asoschilari, investorlar, venchur fondlari, akseleratorlar, korporatsiyalar va davlat tashkilotlari vakillarini bir maydonda jamladi.
Sammitda Raqamli texnologiyalar vaziri Sherzod Shermatov ishtirok etib, nutq soʻzladi.
“Biz O‘zbekistonni startaplar mamlakatiga aylantirishni maqsad qilganmiz. Buning uchun startaplar uchun qulay huquqiy muhit yaratish, ekotizim ishtirokchilarining taklif va tashabbuslarini inobatga olish, venchur hamkorlar va xorijiy kompaniyalarni jalb etishga alohida e’tibor qaratmoqdamiz. Bugun O‘zbekistonda jadal rivojlanayotgan startap ekotizimi va katta maqsadlar sari intilayotgan yosh startap asoschilari bor. Barcha xorijiy hamkorlar va startap ekotizimi ishtirokchilarini O‘zbekistonda ko‘rib turganimizdan mamnunmiz va ularni mamlakatimizda samimiy qutlab qolamiz”, – dedi vazir oʻz nutqida.
Sammitda O‘zbekiston va Markaziy Osiyoda texnologik tadbirkorlikni rivojlantirish, startaplarning xalqaro bozorlarga chiqishi, investitsiya jalb qilish va mahalliy loyihalarni global venchur ekotizimiga integratsiya qilish masalalari muhokama qilinmoqda.
Startup & Venture Summit ICT WEEK doirasidagi an’anaviy tadbirlardan biri hisoblanadi.
Bu yilgi sammit ham startaplar va investorlar o‘rtasidagi aloqalarni kengaytirish hamda hamkorlik imkoniyatlarini muhokama qilish uchun maydon bo‘ldi.
📲 Sammitni quyidagi havolalar orqali tomosha qilishingiz mumkin:
🔦 Youtube
😀 Telegram
Telegram | Facebook | Instagram | Youtube | LinkedIn | X