Микроб турында шигырь укыганыгыз юктыр әле?😁

Шагыйрә Ләйсән Фәтхи менә шундый матур, үзенчәлекле, кызыклы шигырь язып җибәрде.

🟣Микрогөмбәләр🟣

Бозылган минем җиләк,
Җыйган идем бер чиләк -
Күгәрек белән тулган,
Гөмбә кереп утырган.

Актардым суыткычны,
Сәер сыр килеп чыкты!
Яшькелт таплы, күр әле,
Монысы да гөмбәле.

Бозылганны - ташларга,
Ярамый бит ашарга.
Барысын да юк иттем,
Шатланып чыгып киттем.

Тыштан уйнап керүгә -
Әллә күзгә күренә,
Кайда гына соң, диләр,
Сыр эзлиләр әниләр.

Мин сөйләдем эшемне,
Өнемме бу - төшемме!
Алыр урынга мактау,
Чүт эләкмәде уклау.

Микрогөмбә төрләре -
Була икән серләре.
Өйрәнер өчен күбрәк -
Китап укырга кирәк!