💰 Сауда және инвестиция: негізгі сандар

📊 2025 жылы Қазақстан мен Дания арасындағы тауар айналымы 163,6 млн долларды құрады.

🇰🇿 Қазақстан экспорты 16,6%-ға өсіп, 40,7 млн долларға жетті.

🇩🇰 Даниядан импорт 2,6%-ға төмендеп, 122,9 млн долларды құрады.

📈 2026 жылғы қаңтар–шілдеде тауар айналымы 87,7 млн доллар болды. Оның ішінде:

• экспорт – 22,1 млн доллар;
• импорт – 65,6 млн доллар.

📦 Қазақстаннан Данияға негізінен ағаш бұйымдары, фанера, мұнай өнімдері және электр жабдықтары экспортталады.

Ал Даниядан Қазақстанға дәрі-дәрмек, асыл тұқымды мал, сорғылар және өнеркәсіптік жабдықтар жеткізіледі.

💵 2005 жылдан бері Данияның Қазақстан экономикасына салған тікелей инвестицияларының көлемі 394,8 млн долларды құрады. Оның 88,1 млн доллары 2025 жылы салынған.

🏢 Қазақстанда дат капиталының қатысуымен 28 компания тіркелген. Олардың қатарында Novo Nordisk, FLSmidth, Danfoss және Carlsberg бар.

🚢 Maersk компаниясы Орта дәлізді дамыту бағытында жұмыс жүргізуде.

🏭 $344 млн: жаңа өндіріс

Сапар аясындағы маңызды жобалардың бірі – Carlsberg және PepsiCo компанияларының Боралдай кентінде ашылатын алкогольсіз сусындар зауыты.

💰 Жобаның құны – 344 млн доллар
🥤 Өндірістік қуаты – жылына шамамен 1 млрд литр сусын
👥 230-дан астам жұмыс орны ашылды.

Зауыттың іргетасы 2025 жылғы қыркүйекте Carlsberg Group бас директоры Якоб Ааруп-Андерсеннің қатысуымен қаланды.

🔹 Сонымен қатар биыл мамырда FLSmidth компаниясы Қарағандыда шамамен 15 млн доллар инвестиция көлеміндегі кеңейтілген сервистік орталығын ашты.

🔹 Ал шілдеде Алматыда Қазақстандағы тұңғыш сертификатталған LEGO дүкені ашылды.