Երևանը պետք է Ադրբեջանից պահանջի տեղեկություններ անհետ կորածների գերեզմանների մասին․ Ստեփանյան
«Համահայկական ճակատ» շարժման համակարգող Ռուզաննա Ստեփանյանը Ազգային ժողովում ընդդիմադիր պատգամավորների հետ հանդիպման ժամանակ կոչ է արել Հայաստանի իշխանություններին Ադրբեջանից պահանջել տեղեկություններ հայ անհետ կորածների գերեզմանների գտնվելու վայրի մասին։
Նա անդրադարձել է Ադրբեջանի նախագահ Իլհամ Ալիևի պահանջին՝ տեղեկություններ տրամադրել 1990-ականներին զոհված և անհետ կորած ադրբեջանցիների գերեզմանների գտնվելու վայրի մասին։
«Մենք ինչո՞ւ չենք դիմում՝ մեզ մեր անհետ կորածների գերեզմանների տեղանքը ցույց տալու պահանջով։ Ունենք հարյուրավոր անհետ կորածներ»,- ասել է Ստեփանյանը։
Նրա խոսքով՝ մոտ մեկ ամիս առաջ Կարմիր խաչի միջազգային կոմիտեի (ԿԽՄԿ) ներկայացուցիչները խոստացել էին միջազգային հումանիտար խողովակներով փորձել աջակցել անհետ կորածների և մարմինների արտաշիրիմման հարցերի լուծմանը։
Ստեփանյանը պատգամավորներին առաջարկել է կապ հաստատել ԿԽՄԿ-ի հետ և համատեղ քննարկել այդ հարցը։
Post #1239
229