🍏У Бабруйску на “суботнік па зборы яблык” вывелі навучэнцаў каледжаў.

Арганізатарам закамуфляванага дня бясплатнай працы стала ААТ “Чырвоны харчавік”, якому належаць падшэфныя яблыневыя сады ААТ “Неўскі-Агра” і філіяла “Харчавік-Агра” у Бабруйскім раёне. Яблычнае пюрэ – галоўны інгрыдыент для бабруйскага зефіра, але сваёй працоўнай сілы прадпрыемству не стае. На нарыхтоўцы працавала брыгада ўсяго з 20 чалавек, сілаў якой не хапала, каб сабраць увесь ураджай.

🔻Таму было вырашана накіраваць на дапамогу навучэнцаў бабруйскіх дзяржаўных аўтамеханічнага і лесатэхнічнага каледжаў. Падлеткаў 12 верасня адправілі на адпрацоўку ў калгасы пад выглядам неафіцыйнага “суботніка па зборы яблык”. У самім ААТ “Чырвоны харчавік” паведамілі, што агулам удалося прыцягнуць да працы каля 200 чалавек. Там адпрацоўку назвалі дабраахвотнай, аплата працы прадугледжана не была.