📢 YAKUNIY KIRISH IMTIHONI NATIJALARI E’LON QILINDI!

2026–2027-o‘quv yili uchun Al-Beruniy nomidagi xalqaro maktab-internatiga qabulning yakuniy kirish imtihoni natijalari e’lon qilindi.

📊 Nomzodlar o‘z natijalari bilan quyidagi rasmiy platformalar orqali tanishishlari mumkin:

🟢 https://my.gov.uz/uz/service/1095
🟢 https://ariza.piima.uz

🌍 Yakuniy kirish imtihonlari Britaniya Kengashi (British Council), Marshall Cavendish Education (Singapur) hamda Pedagogik mahorat va xalqaro baholash ilmiy-amaliy markazi bilan hamkorlikda xalqaro baholash standartlari asosida tashkil etildi.

✅ Yakuniy natijalarga ko‘ra, eng yuqori natijalarni qayd etgan 60 nafar nomzod Al-Beruniy nomidagi xalqaro maktab-internatiga o‘qishga tavsiya etildi. Jumladan:

🔹 40 nafar nomzod — Aniq fanlar yo‘nalishiga;

🔹 20 nafar nomzod — Tabiiy fanlar yo‘nalishiga qabul qilinadi.

📄 Apellyatsiya tartibi:

🖱️ Kirish imtihonlari natijalaridan norozi bo‘lgan talabgorlar Apellyatsiya komissiyasiga ariza bilan murojaat etishga haqli.

Bunda talabgorlar shaxsiy kabineti orqali natijalar e’lon qilingan vaqtdan boshlab 3 (uch) ish kuni ichida Apellyatsiya komissiyasiga ariza bilan murojaat qilish huquqiga ega.

Apellyatsiya komissiyasi murojaatlarni 10 kalendar kun ichida ko‘rib chiqadi hamda qanoatlantirish yoki rad etish to‘g‘risida xulosa beradi.

🎓 O‘qishga tavsiya etilgan nomzodlarni tabriklaymiz! O‘quvchilarni ro‘yxatdan o‘tkazish, hujjatlarni rasmiylashtirish hamda yangi o‘quv yilini boshlash bilan bog‘liq keyingi bosqichlar haqida ushbu Telegram kanalida qo‘shimcha ma’lumot beriladi.

🎉 Maktab jamoasi yangi qabul qilingan o‘quvchilarni tabriklaydi!

Al-Beruniy oilasiga xush kelibsiz!