TGViewer
Channel Public Channel
Markaz

Markaz

@markaz_uzbekistan

E'tibor markazidagi voqealar haqida tushunarli va sodda tilda o'qib boring!
Open in Telegram
Subscribers
16.4K
Photos
9.8K
Videos
5.3K
Links
2.9K
Recent Posts 14 shown
Post #20289 24
🇺🇸🇷🇺Tramp Putinga urushni yakunlash bo‘yicha murojaat qildi

Muxbir Trampdan Putinga qanday murojaat yo‘llamoqchi ekanligini so‘radi. Donald Tramp esa unga javoban urushni yakunlash lozimligini ta’kidladi.

@markaz_uzbekistan
Post #20288 178
🇮🇱🇺🇸Netanyaxu Zohran Mamdaniga e’tiroz bildirdi

“Bizning xalqimizni vahshiylarcha qatl etgan HAMAS mavjudotlarini qo‘llab-quvvatlayotganingiz uchun uyaling, janob Mamdani. Uyaling!

Nyu-York yahudiylariga qarshi tartibsizliklarni qo‘zg‘atayotganingiz uchun uyaling. Men BMTga boryapman. Men qahramon askarlarimiz haqidagi haqiqatni va siz haqingizdagi haqiqatni baralla aytaman”, degan Isroil Bosh vaziri.


@markaz_uzbekistan
Post #20287 237
Inson va robot o‘rtasida ilk bor jang o‘tkazildi

Bloger Frenki Lapennaga qarshi bo‘yi 1,83 metr hamda vazni taxminan 80 kg keladigan EngineAI T800 roboti maydonga tushgan. Robot qo‘llari va oyoqlari bilan zarbalar bergan, kombinatsiyalarni bajargan hamda raqibini yiqitgan.

Biroq mashinalar isyoniga hali ancha bor: T800 avtonom emas edi – uni operator VR-ko‘zoynaklar yordamida masofadan boshqarib turgan. Lapennaning o‘zi jang vaqtida robotga zarba berib, qo‘lini sindirib olganini ma’lum qilgan.

Ishlab chiqaruvchining ta’kidlashicha, T800 29 ta harakat erkinligi darajasiga, bo‘g‘inlarning maksimal 450 N·m buruvchi momentiga ega va 3 m/s dan yuqori tezlikni rivojlantira oladi.

@markaz_uzbekistan
Post #20286 262
Endi ish joyidagi zo‘ravonlik yuzasidan onlayn murojaat qilish mumkin bo‘ladi

Ish joyida tazyiq, jismoniy yoki jinsiy zo‘ravonlik, shahvoniy shilqimlik, ruhiy bosim, ta’qib va kamsitish holatlariga qarshi aniq himoya mexanizmlari joriy etiladi.

🔹 Murojaatlarni onlayn yuborish uchun maxsus portal ishga tushiriladi;
🔹 Shikoyat rahbar ustidan bo‘lsa, u yuqori turuvchi idoraga avtomatik yuboriladi;
🔹 Murojaat qilgan xodimning shaxsiy ma’lumotlari himoya qilinadi va unga bosim o‘tkazish taqiqlanadi;
🔹 Jiddiy huquqbuzarliklar “112” orqali tegishli organlarga yuboriladi;
🔹 Davlat tashkilotlari xodimlari har yili maxsus treninglardan o‘tadi;
🔹 Xususiy sektor ham ushbu tizim va tayyor metodologiyadan ixtiyoriy foydalanishi mumkin.

@markaz_uzbekistan
Post #20285 250
🇷🇴Ruminiyada pandemiya davriga oid jasadlar solingan qoplar topildi

Slatina shahridagi Streheres qabristonida COVID-19 pandemiyasi davriga tegishli, chirimagan jasadlar solingan yashirin qoplar topilgan. Qabristonda ta’mirlash va qabr qazish ishlari olib borilayotganda ishchilar inson suyaklarini aniqlagan va bu haqda politsiyaga xabar bergan. Shundan so‘ng huquqni muhofaza qiluvchi organlar qazish ishlarini davom ettirgan.

@markaz_uzbekistan
Post #20282 276
🇹🇷Turkiyadagi maktab yaqinida otishma sodir bo‘ldi

Manisa viloyatida Inchi Uzmez nomidagi kasb-hunar litseyi binosi yaqinida noma’lum shaxs qurolli hujum uyushtirgan. Hujum oqibatida 4 nafar o‘quvchi tan jarohati olgan. Shuningdek, 1 kishi halok bo‘lgani tahmin qilinmoqda. Jinoyatchi ta’lim muassasasi binosi oldida atrofdagilarga tartibsiz ravishda o‘q uzgan.

Shuningdek, litsey atrofiga o‘quvchilarning xavotirlangan ota-onalari yig‘ila boshlagan bo‘lib, huquq-tartibot idorasi xodimlari tartibni ta’minlash va vaziyatni tinchlantirish yuzasidan ish olib bormoqda. Hodisa sabablari va hujum qilgan shaxsning shaxsi aniqlashtirilmoqda.

@markaz_uzbekistan
Post #20281 272
Qo‘qonda 6 mlrd so‘mlik tabiiy gazni talon-toroj qilish holati aniqlandi

Qaymoqli guzar MFYda joylashgan ovqatlanish maskanida iste’molchi tabiiy gazdan noqonuniy foydalanib kelayotgani ma’lum bo‘lgan. Holat bo‘yicha dalolatnoma tuzilib, 6 mlrd so‘mlik tabiiy gaz hajmlari qayta hisob-kitob qilingan.

Holat bo‘yicha barcha hujjatlar huquqni muhofaza qiluvchi organlarga yuborilgan.

@markaz_uzbekistan
Post #20278 276
🇷🇺🇺🇦Ukrainaning qator hududlari ballistik raketalar hamda dronlar zarbasiga uchradi

Kecha tunda Kiyev va Odessaning atrofi, Dnepropetrovsk, Krivoy Rog va Kremenchug shaharlaridagi nishonlar keng ko‘lamli qo‘shma zarbalar markazida bo‘lgan.

Shuningdek, Vinnitsa, Sumi va Xarkov viloyatlariga ham qanotli, gipertovushli va ballistik raketalar hamda Geran turidagi dronlar yordamida zarbalar berilgan.

@markaz_uzbekistan
Post #20277 358
🇰🇬Qirg‘izistonda bitta qo‘chqor 1 mln dollarga sotildi

Joriy yilning 19-sentyabr kuni Qirg‘izistondagi festivalda Arashan zotiga mansub qo‘chqor 1 mln dollarga sotilgan. Tadbirda 5 ta mamlakatdan borgan fermerlar ishtirok etgan. Qirg‘izistonda ushbu zotdagi qo‘ylarni rivojlantirishga bag‘ishlangan festivalda favqulodda bitim amalga oshirilgan.

Ushbu qimmatbaho nasldor qo‘chqor mashhur Frankel nomli qo‘chqorning pushtidan. 2023-yilda Frankel Qozog‘istonga 150 ming dollarga sotilgan.

@markaz_uzbekistan
Post #20276 294
Milliy sertifikat imtihonlari limiti bo‘yicha tushuntirish berildi

Joriy yil 17-sentyabrdan 18-sentyabrga o‘tar kechasi O‘zbekistonda milliy sertifikat imtihonlari uchun ro‘yxatdan o‘tish imkoniyati ochilgan, biroq imtihonga kiruvchi talabgorlar bo‘yicha limit juda tez to‘lib qolgani muhokamalarga sabab bo‘lgan. Holat yuzasidan Bilim va malakalarni baholash agentligi munosabat bildirdi.

Shuningdek, “Umumta’lim fanlarini bilish darajasini aniqlash va sertifikat berish tartibi to‘g‘risida”gi nizomga tegishli o‘zgartirish va qo‘shimchalar kiritilgan. Shundan kelib chiqqan holda 2026-yilning ikkinchi yarmi uchun, ya’ni sentyabr oyida 125 ming 753 ta, oktyabr oyida 129 ming 535 ta, noyabr oyida 112 ming 335 ta va dekabr oyida 128 ming 680 ta, jami 496 ming 303 ta o‘tirish o‘rni belgilangan.

@markaz_uzbekistan
Post #20273 323
O‘zbekistonga 13 kg dan ziyod narkotik modda olib kirganlar ushlandi

Joriy yilning 5-sentyabr kuni Tailanddan uchib kelgan fuqaroning bagajida 3 ta vino shishasi hamda og‘irligi 7 kg 580 gr bo‘lgan qadoqlangan ziravorlar va tarkibida tetragidrokannabinol mavjud bo‘lgan, “gashish moyi” aniqlangan.

Shuningdek, mazkur moddalarni 180 dollar evaziga O‘zbekiston hududiga olib kirib, Samarqand shahriga yetkazib berishi kerak bo‘lgan. Ushbu moddalarni qabul qilib olgan shaxsda ham shunga o‘xshash moddalar borligi aniqlangan va umumiy giyohvand moddalar og‘irligi 13 kg 80 gr ni tashkil qilgan.

Holat yuzasidan jinoyat ishi qo‘zg‘atilgan.

@markaz_uzbekistan
Post #20272 310
Ramzan Qodirov saylovda 99,85 foiz ovoz oldi

Ramzan Qodirov Checheniston rahbari saylovida rekord darajadagi 99,85 foiz ovoz olgan. Qodirov Checheniston rahbari lavozimini 2007-yildan beri egallab kelmoqda. 2016-yildagi saylovlarda u 94,8 foiz, 2021-yilda esa 99,7 foiz ovoz to‘plagan.

2025-yilning may oyida Rossiya Prezidenti Vladimir Putin bilan uchrashuv oldidan u o‘z iste’fosi masalasini muhokama qilmoqchi ekanini ma’lum qilgan edi.

@markaz_uzbekistan
Post #20271 333
Namanganda talabalarni “talagan” o‘smir “qaroqchilar” ushlandi

Namangan viloyati IIB xabariga ko‘ra, Namangan shahrining Dashtbog‘ mahallasi hududida 7 nafar voyaga yetmagan o‘smir tengdoshlarining telefoni, puli va soatini ochiqdan-ochiq zo‘rlik ishlatib tortib olgan.

Qayd etilishicha, hodisa oqibatida hech kim tan jarohati olmagan. Mazkur holat yuzasidan jinoyat ishi qo‘zg‘atilgan.

@markaz_uzbekistan
Post #20267 331
🇨🇳Xitoydagi to‘qimachilik fabrikasida sodir bo‘lgan yong‘inda 8 kishi halok bo‘ldi

Xitoyning Guandun provinsiyasidagi Foshan shahrida joylashgan to‘qimachilik fabrikasida yuz bergan yong‘in oqibatida kamida sakkiz kishi halok bo‘lgan.

Yong‘in 20-sentyabr kuni kechqurun Shunde tumanida sodir bo‘lgan, voqea joyida qidiruv-qutqaruv operatsiyasi davom etmoqda.

@markaz_uzbekistan
Older posts →

About this channel

How can I read @markaz_uzbekistan without a Telegram account?
TGViewer shows the public web preview Telegram publishes for Markaz: recent posts, photos, videos and the subscriber count, with no app, login or account.
How many subscribers does Markaz have?
Markaz (@markaz_uzbekistan) has 16.4K subscribers on Telegram, refreshed roughly every 30 minutes.
Does Markaz know I viewed it here?
No. Public channel previews carry no viewer identity, and TGViewer has no accounts or tracking of what you look up.
Threads Profile ViewerView any public Threads profile without an account.Open ThreadLook →Writing with AI? Make it sound human.Metric37 rewrites AI drafts so they read naturally. Free AI detector, 1,500 words free.Try Metric37 →