⚡️ Internet tarmog‘ida O‘zbekistondagi 1000 dan ortiq axborot tizimlariga kirish imkonini beruvchi 185 milliondan ortiq login parollar (16 GB hajmdagi matnli fayl) tarqaldi.

Bu maʼlumotlar Respublikadagi axborot tizimlaridan foydalanuvchi shaxslarning qayd maʼlumotlari (login/parol) hisoblanadi. Ko‘pgina maʼlumotlar eskirgan bo‘lsada, axborot tizimlarini boshqaruviga (administrator huquqi) daxldor aktual (ishchi) login/parollar ham borligini ko‘rsatmoqda.

❌ Xavfsizlik nuqtai nazaridan maʼlumotlar tarqatilgan kanal va qayd yozuvlarini kanalimizda joylashtira olmaymiz.

Qayd yozuvlari tahlil qilinganida, Respublikadagi deyarli barcha axborot tizimlaridagi qayd maʼlumotlari mavjud.

Bu qayd yozuvlaridan quyidagi xulosaga kelish mumkin:
☑️ Davlat va xususiy sektorda axborot kiberxavfsizligiga nisbatan yondashuv o‘ta befarqlik kuzatilmoqda.

☑️ Bu maʼlumotlar kompyuteringizdagi barcha maxfiy maʼlumotlar , yaʼni login va parollarni o‘g‘irlovchi stiller viruslari orqali qo‘lga kiritilgan, bunga bir qancha sabablar bor, birgina Antivirus yoki litsenziyali OT sizni bunday hujumlardan komplekt himoyalay olmaydi.

☑️ Asosiy sabab qilib foydalanuvchilarning xavfsizlik talablari va internetda axborot xavfsizligi immunitetining shakllanmaganini ko‘rish mumkin.

☑️ Texnik sabablarga esa : Antivirusning umuman yo‘qligi, yangilanmaganligi, turli fayllarni tekshirmasdan ochish, crack va litsenziyasiz dasturlar ishlatishni keltirish mumkin.

Manba