ЎЗИГА ИШОНГАН ЙЎЛДА ТЎХТАМАЙДИ
Ҳурматли Лидерлар! Ҳаётингизда бир марта бўлса ҳам «мен буни уддалай олмайман» деб ўйлаганмисиз? Ҳаммамиз шундай ўйлаганмиз. Аммо бир ҳақиқатни унутмайлик: кўпинча бизни тўхтатадиган нарса қийинчилик эмас, ўзимизга бўлган ишончсизлик.
1954 йилгача бир милл масофани 4 дақиқадан тезроқ югуриб ўтиш инсон қўлидан келмайди, деб ҳисобланарди. Шифокорлар ҳам, мутахассислар ҳам шуни айтишарди. Инглиз талабаси Роджер Баннистер эса бунга ишонмади ва бу тўсиқни енгди. Энг қизиғи ундан кейин бўлди: орадан бир ярим ой ўтмай, бошқа спортчи ҳам бу натижани такрорлади. Демак, тўсиқ оёқда эмас, онгда бўлган экан.
Ишонч қаердан пайдо бўлади? Ўз-ўзидан пайдо бўлмайди. У ҳар куни бажарилган кичик ишлардан, берилган ваъдага вафо қилишдан, ўрганилган ҳар бир янги билимдан шаклланади.
Ишонч билан кибрнинг фарқи нимада? Кибрли одам «мен ҳаммадан аъломан» дейди. Ўзига ишонган одам эса «мен бугун кечагидан яхшироқ бўла оламан» дейди.
Раҳбар ўзига ишонмаса, жамоаси ҳам унга ишонмайди. Жамоа ишонмаган раҳбар эса энг тўғри қарорини ҳам амалга ошира олмайди.
Генри Форд бежизга айтмаган: «Уддалай оламан деб ўйласангиз ҳам, уддалай олмайман деб ўйласангиз ҳам – ҳақсиз».
Бугун учун кичик топшириқ: кўпдан бери «кейинроқ» деб қолдириб келаётган битта ишни танланг ва уни бугуноқ бошланг. Биринчи қадам ишончнинг энг яхши дорисидир.
Фикримиз фойдали бўлса, дўстларингизга ҳам илининг.
#ЛидерликСабоқлари #Лидерлар #ЎзигаИшонч #Мотивация #Раҳбарлик. @liderlar1