ОТА — ИЛК МАКТАБ, ИЛК ЛИДЕР

Ҳар бир лидернинг биринчи устози ўз отаси бўлади. Боланинг кўзи отанинг сўзига эмас, аввало унинг ишига, ваъдасига вафосига, оғир кундаги сабрига қарайди. Масъулият, сўзда туриш, оила ва юрт олдидаги бурч туйғуси китобдан эмас, ота ибратидан ўтади.
📖 Бобомиз Кайковус «Қобуснома»ни ўз ўғли Гилоншоҳга насиҳат сифатида битган. Бу асар асрлар давомида нафақат шаҳзодалар, балки бутун авлодлар учун раҳбарлик ва одоб дарслиги бўлиб келди. Демак, ота насиҳати — энг қадимий бошқарув мактаби.
📖 Жадид бобомиз Абдулла Авлоний таъкидлаганидек, тарбия биз учун ё ҳаёт — ё мамот, ё нажот — ё ҳалокат масаласидир. Оиладаги тарбиянинг таянчи эса ота-онанинг шахсий намунасидир.

🇺🇿 Бугун мамлакатимизда оила институтини мустаҳкамлаш, ёшлар тарбиясида ота-оналар масъулиятини ошириш давлат сиёсатининг устувор
йўналишига айлангани бежиз эмас. Кучли давлат — кучли оиладан, кучли оила — масъулиятли отадан бошланади.
Лидер учун отадан қоладиган 3 мерос:
1️⃣ Сўзга садоқат — ваъда берилдими, бажарилади.
2️⃣ Масъулиятни ўз зиммасига олиш — айбни бошқадан эмас, ўздан излаш.
3️⃣ Оилани асраш — уйини бошқара олмаган инсон жамоани бошқариши қийин.
Халқимиз бежиз «Ота рози — Худо рози» демайди.
💬 Азиз раҳбарлар, ҳар куни ишдан қайтгач фарзандингизга 15 дақиқа ажратинг. Сиз бугун берган вақт — эртанги лидернинг пойдеворидир.
Сизга лидерликни ким ўргатган? Отангиздан қолган энг муҳим сабоқни изоҳларда ёзинг 👇

#Лидерлар #Ота #ОилавийТарбия #Маънавият

t.me/liderlar1