Laziz Hamidov

Toshkentning Lutfiy ko‘chasida velosiped, elektrosamokat, skuter va boshqa vositalar uchun mashina yo‘li hisobidan alohida yo‘lak tashkil qilinibdi. Keyinroq boshqa joylarda ham shunaqa qilishmoqchi ekan.

Ayniqsa, piyodalar uchun yaxshi yangilik.

Uzoqdan ko'rib, qanaqa logotip ekan debman)

Biznesda katta muammolardan ko‘ra, har kuni takrorlanadigan mayda ishlar ko‘proq vaqt oladi, nazarimda.

Oddiy chek masalasini olaylik. Xodim kompaniya uchun biror xarajat qildimi, endi chekni yo‘qotmaslik, buxgalterga yetkazish, keyin hisobotga kiritish kerak. Oy davomida yig‘iladigan cheklar sonini hisoblasangiz, bu ham alohida yumushga aylanadi.

Didoxning yangi korporativ kartasida aynan shu boshog‘riqqa chek qo‘yishibdi. Kartadan to‘lov qilsangiz bas, chek tizimga o‘zi tushadi, hisobot ham avtomatik shakllanadi.

Umuman, Didox asoschisi Asqar Ismailov anchadan beri tadbirkorlarning ishini yengillashtiradigan yechimlar ustida ishlab keladi. Didox’da hujjat almashish elektronlashtirgani, iHamkor’da esa hamkorlik qilmoqchi bo‘lgan kompaniyangizning moliyaviy holatini bir joydan ko‘rish mumkinligi bunga misol.

Biz ham Tasnif Group’da yangi kartani amalda sinab, taassurotlarimiz bilan boʻlishamiz.

@lazizhamidov

Toshkentning yaqin yillardagi eng aktual muammosi.

Lekin men o‘ylayman, bu yerda muammo, aslida sal chuqurroq. Odamlar statistikaga emas, uni aytayotgan odamga ishonmayotgandek, nazarimda.

Jamiyat va davlat idoralari o‘rtasida institutsional ishonch inqirozi yuzaga kelgan. Aksar davlat idoralari shu darajada ko‘p yolg‘on to‘qidi, odamlar tanasida his qilmayotgan o‘zgarishlar haqida gapirdiki, endi odamlar ularning rost gapiga ham ishonmay qo‘ydi. Ezgu niyatdagi qarorlar, amallardan ham qandaydir qing‘irlik qidiramiz. Nimasidir bor, deymiz. Bu yerda ayb odamlarda emas, davlat idoralarining o‘zi imijini shu darajaga tushirgan. Bu haqda “Lolazor”da ham ko‘p gapirganmiz.

Ba’zi idoralar o‘zini ideal ko‘rsatishdan sal chekinib, kamchiliklari, xatolarini ochiq va samimiy tan olishni, xalq bilan ochiq muloqot qilishni boshlasa vaziyat yaxshilansa kerak.

@lazizhamidov

O‘zbekistonda o‘rtacha umr ko‘rish davomiyligi 75,4 yosh – rostdanmi?

“Lolazor” podkastining oxirgi sonida Pensiya jamg‘armasi direktori tizimdagi o‘zgarishlarga sabablardan biri sifatida aholining o‘rtacha umr ko‘rish davomiyligi oshganini keltirgan ekan (men qatnasholmagandim). Men pensiya islohoti haqida emas, aynan mana shu statistika haqida bir-ikki og‘iz yozdim.

Bu gaplardan keyin odamlarda statistikaga nisbatan ishonchsizlik sezilgandek bo‘ldi menda. Izohlarda odamlar 70 dan oshgan tanishi yo‘q ekani, mahalla janoza guruhida faqat o‘rta yoshlilar uchun e’lon berilayotganini yozganiga ko‘zim tushdi. Shundan keyin qiziqib ko‘rdim bu raqamlarga.

Mazkur ko‘rsatkichning yillar kesimidagi dinamikasi quyidagicha:

– 1991-yilda – 66,4 yosh;
– 1995-yilda – 69,1 yosh;
– 2000-yilda – 70,8 yosh;
– 2005-yilda – 71,8 yosh;
– 2010-yilda – 73 yosh;
– 2015-yilda – 73,6 yosh;
– 2020-yilda – 73,4 yosh;
– 2024-yilda – 75,1 yosh;
– 2025-yilda – 75,4 yosh.

Demak, mustaqillik yillarida o‘rtacha umr davomiyligi qariyb 9 yoshga o‘sgan.

Bu o‘zi qanday hisoblanadi?

Statistikada bu ko‘rsatkich “Tug‘ilishda kutilayotgan o‘rtacha umr ko‘rish davomiyligi” deb ataladi. Bu degani, agar mamlakatdagi hozirgi o‘lim darajasi va xavflari kelajakda ham xuddi shunday saqlanib qolsa, bu yil tug‘ilgan chaqaloqlar o‘rtacha 75 yil-u 4 oy yashashi kutiladi. Bu hamma aniq 75 yoshgacha yashaydi degani emas. Kimdir 30 yoshda barvaqt vafot etishi, boshqa birov esa 95 yoshgacha yashashi mumkin, bunda ularning o‘rtacha arifmetik hisobi olinadi.

Nega “hamma yosh o‘layotgandek” tuyuladi?

Menimcha, hammasi oddiy: agar yosh yigit, ayniqsa, o‘zimiz tengilar vafot etsa, bu bizga jiddiy ta’sir qiladi, buni miyada saqlab qolamiz. Agar 70-80 yoshli inson vafot etsa oddiy holdek qabul qilib, unga alohida e’tibor bermaymiz.

Eng asosiysi esa, ko‘zimiz atrofimizdagi nari borsa 100-200 kishini ko‘radi. Qayerdadir ketma-ket yoshlarning vafotiga guvoh bo‘lsak, hamma joyda shunday, degan xulosaga kelishimiz oson bo‘lishi tabiiy. Lekin statistikaning qamrovi katta, u 39 million kishini qamrab oladi. O‘zbekiston bizning mahallamizdan iborat emas.

O‘rtacha umr davomiyligi ilk mustaqillik yillariga qaraganda o‘sgan bo‘lishi ham tabiiy. Chunki odamlar u paytdagidan farovonroq yashayapti, ko‘pchilikning turmush darajasi oshgan, tibbiyot rivojlandi, sanitariya-gigiyena holati yaxshilandi, toza suv yetib borgan hududlar anchagina ko‘paygan, oziq-ovqatlar xavfsizlashgan, ocharchilik xavfi yo‘q, chaqaloqlar o‘limi keskin kamaygan (bu ko‘rsatkichga jiddiy ta’sir qiladi), umuman olganda, hammasi tabiiy ravishda bo‘ldi, demoqchiman.

@lazizhamidov

Ajoyib va go’zal arxitektura

@lazizhamidov

Oldindagi sariq bino madaniy merosga kiritilgan bo’lsa kerak a, orqadagi haybatli binolar uni yutib yubormas?)

@lazizhamidov

“Anorbank”ning egasi Parijda oʻgʻrilanishini oʻzi sahnalashtirgan boʻlishi mumkin ekan (#)

@lazizhamidov

2027-yil martdan boshlab Toshkent – Nukus tezyurar poyezdi qatnovi yo‘lga qo‘yilarkan. Bunda safar vaqti 16 soatdan 7 soatga qisqaradi.

@lazizhamidov

Bitiruvchi qizlar tezroq ish topadi, yigitlar esa maoshi balandroq ishga joylashadi

Oliy ta’lim tashkilotlari bitiruvchilari sifat indeksiga ko‘ra, mehnat bozorida qizlarning bandlik darajasi 85,1 foizni, yigitlarniki esa 80,4 foizni tashkil etgan.

Qizlar diplom olgach o‘rtacha 2 oyda, yigitlar esa 3 oyda ishga joylashmoqda. Ammo daromad borasida yigitlar sezilarli oldinda — o‘rtacha 6 mln so‘m, qizlarning o‘rtacha maoshi esa 3,9 mln so‘mni tashkil qilmoqda.

@lazizhamidov

Yaxshi taklif)

@lazizhamidov

Shunaqasi ham bo‘larkan-da, a? (#)

@lazizhamidov

Bu yaxshimas, oʻrtoqlar

@lazizhamidov

1995-yilda O‘zbekistonda valyuta ayriboshlash shunday bo‘lgan ekan (#)

@lazizhamidov

Qishloq xo‘jaligi vazirligi yo‘llarda “basketbol o‘ynashga” taklif qilyapti – bu xavfli

Qishloq xo‘jaligi vazirligi “Toza dala” chellenjini boshlabdi. Vazirlik dala atrofidagi yo‘llar bo‘yiga “basketbol” uslubidagi chiqindi qutilari o‘rnatish tashabbusi bilan chiqibdi, xo‘jaliklar bu tashabbusga allaqachon qo‘shilishni boshlagan (balki topshiriqdir, kim bilsin).

Men, masalan, birorta davlat yoki shaharda mashina yo‘li bo‘yida bunday narsa o‘rnatilganini ko‘rmaganman. Katta yo‘l yoqasida haydovchini chalg‘itishi mumkin bo‘lgan har qanday nostandart obyekt o‘rnatilishi xavfsizlik talablariga zid keladi.

Bu narsalarning yo‘l bo‘yiga, ayniqsa to‘xtash mumkin bo‘lmagan joylarga o‘rnatilishi (rasmdagidek, masalan) shundoq ham xavfli yo‘llarimizda xavfni oshiradi.

Ushbu tashabbus, katta ehtimol bilan, ishlamaydi, shunchaki ularning atrofi chiqindiga to‘lib, yo‘l bo‘yida bir nechta “mini chiqindixona” paydo bo‘ladi. Bu narsa faqatgina piyodalar uchun mo‘ljallangan joylarda ishlashi mumkin, xolos.

@lazizhamidov