Адкрыты ліст да міжнародных кампаній, якія працягваюць працаваць на беларускім рынку ва ўмовах вайны з Украінай і акупацыі Беларусі з боку Расіі

https://youtu.be/fcYhxRziFRw

Мы, як і ўвесь цывілізаваны свет, выступаем за спыненне вайны з боку Расійскай Федэрацыі у дачыненні да Украіны, у тым ліку з тэрыторыі Беларусі і пры падтрымцы рэжыму Лукашэнкі, i падтрымліваем Украіну ў барацьбе за незалежнасць і суверэнітэт.

Мы асуджаем рашэнні рэжыму Лукашэнкі па падтрымцы дзеянняў Крамля і заклікаем усе міжнародныя кампаніі, якія прыпыняюць сваю дзейнасць на тэрыторыі Расеі, спыніць бізнэс таксама ў Беларусі.

Мы канстатуем, што Рэспубліка Беларусь з'яўляецца часова акупаванай тэрыторыяй, Расійская Федэрацыя - краінай-акупантам, а рэжым Лукашэнкі - марыянеткавым урадам.

Мы вітаем рашэнне міжнародных кампаній пакінуць расійскі рынак. У той жа час, сыходзячы з расійскага рынку, але застаючыся ў Беларусі, міжнародныя кампаніі працягваюць падтрымку дзеянняў агрэсіўных рэжымаў.

Мы заклікаем спыніць выплату падаткаў для фінансавання ўзброенных сілаў, якія выкарыстоўвае РФ з дапамогай рэжыму Лукашэнкі супраць украінскага народу.

Накладаючы санкцыі і абмежаванні выключна на Расію, міжнародныя кампаніі пакідаюць Крамлю магчымасць стварэння "беларускага афшору". Прыпыненне дзейнасці замежных кампаний у Беларуси падтрымае барацьбу Украіны супраць агрэсіі і дасць шанец Беларусі вызваліцца ад рэжыму Лукашэнкі, які катуе беларусаў ужо 1,5 годы.

Спіс кампаній: https://bit.ly/3JBIn4i

Калі вы з’яўляецесь прадстаўніком арганізацыі дэмакратычных сілаў альбо вашая дзейнасць звязана з супрацьдзеяннем рэжыму Лукашэнкі, Пуціна і вайне гэтых рэжымаў ва Ўкраіне, вы можаце далучыцца да нашай кампаніі і выкарыстаць узор нашага ліста: https://bit.ly/3u8jl68