Qarshi davlat texnika universiteti psixologlari Dilorom Turdiqulova va Dilfuza Ahmedova Qarshi tumanidagi Dasht mahallasida boʻlib, yosh oilalar bilan yuzma-yuz suhbat olib bordilar.
Muloqotlar davomida oilaviy munosabatlarda yuzaga kelayotgan kelishmovchiliklarning sabablari, er-xotin oʻrtasidagi oʻzaro tushunish, ishonch va hurmat muhitini mustahkamlash, turmushda uchraydigan muammolarga oqilona yechim topish masalalariga alohida eʼtibor qaratildi.
Psixologlar oilaviy nizolarning oldini olishda samimiy muloqot, sabr-toqat, bir-birining fikrini tinglash va hissiy kechinmalarini toʻgʻri anglash muhim ahamiyat kasb etishini taʼkidladilar.
Zero, oila mustahkamligi faqat ikki insonning baxti emas, balki farzandlar kelajagi, mahalla tinchligi va jamiyat barqarorligining ham muhim kafolatidir.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️