Universitetimizda “Mega marafon” haftaligi davom etmoqda. Bu galgi uchrashuvlar Raqamli texnologiyalar va sunʼiy intellekt hamda Iqtisodiyot va boshqaruv fakultetlari talabalari ishtirokida oʻtkazildi.
Oʻzbekiston Respublikasi Prezidenti va nomli davlat stipendiyalari yoshlarning oʻz iqtidorini namoyon etishi uchun muhim imkoniyat ekanligi taʼkidlandi.
Xoʻsh, unda qatnashish tartibi qanday? Kimlar hujjat topshirishi mumkin? Kimga murojaat qilish lozim?
Uchrashuvda ana shunday savollar yuzasidan keng maʼlumotlar berildi. Iqtidorli talabalarning ilmiy tadqiqot faoliyatini tashkil etish boʻlimi xodimlari yoshlar oʻrtasida oʻtkazib kelinayotgan boshqa tanlovlar haqida ham aytib oʻtdilar.
Iqtisodiyot va boshqaruv fakultetida "Gʻoyadan tayyor startap loyihagacha" mavzusida tashkil etilgan seminar talabalar uchun foydali va qiziqarli boʻldi.
Ishtirokchilar startap gʻoyasi shakllantirish, bozorni tahlil qilish, biznes model va MVP yaratish, shuningdek, loyihani taqdim etish boʻyicha amaliy bilimlarga ega boʻldilar.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️