Universitetimiz professor-oʻqituvchilari Turkiyada tajriba oshirmoqdalar.
Delegatsiyamiz aʼzolari – oʻquv ishlari boʻyicha prorektor Zafar Chorshanbiyev, "Geologiya va konchilik ishi" kafedrasi mudiri Uchqun Eshonqulov hamda professor-oʻqituvchilar Farusxon Olimov va Muzaffar Gʻofirov Malatya shahridagi Turgut Oʻzal universitetida qisqa muddatli xorijiy xizmat safarida boʻlib turibdilar.
Xizmat safari davomida Qarshi davlat texnika universiteti hamda Turgut Oʻzal universiteti oʻrtasida oʻzaro hamkorlikni yanada kengaytirish rejalashtirilgan.
Oʻzaro muloqotlar jarayonida talabalarning akademik mobilligini tashkil qilish, professor-oʻqituvchilarni dars jarayonlariga jalb etish va qisqa muddatli stajirovkalarni amalga oshirish, geologiya va konchilik, qishloq xoʻjaligi hamda kompyuter texnologiyalari sohalarida xalqaro loyihalarda birgalikda ishtirok etish masalalari qizgʻin muhokama qilindi.
Bundan tashqari, nufuzli universitetlar reytingiga kirish, ilmiy salohiyatni oshirish omillari boʻyicha ham oʻzaro tajriba almashilmoqda.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️