UNIVERSITET PROFESSOR-OʻQITUVCHILARI, XODIMLARI VA TALABALARI DIQQATIGA!
Oʻzbekiston Respublikasi Prezidentining 2024-yil 17-apreldagi PQ-161-son qarori bilan tasdiqlangan “Yoʻl xaritasi”ning 24.3-bandida ishlab chiqarish va xizmat koʻrsatish sohalarida band boʻlgan aholini, jumladan, turli tashkilotlar mutaxassislarini xizmat va ishdan ajralmagan holda, masofaviy shaklda oʻqitishni tashkil etish belgilangan.
🌐 Mazkur topshiriq ijrosini taʼminlash maqsadida Fuqaro muhofazasi instituti tomonidan “Ishlab chiqarish va xizmat koʻrsatish sohalarida band boʻlgan aholini favqulodda vaziyatlarda toʻgʻri harakatlanishga tayyorlash” nomli 36 soatlik oʻquv kursi ishlab chiqilib, maxsus elektron platforma ishga tushirildi.
✳️ Kurs favqulodda vaziyatlarda toʻgʻri harakatlanish, xavfsizlik qoidalariga rioya qilish hamda yuzaga kelishi mumkin boʻlgan xavf-xatarlarning oldini olish boʻyicha zarur bilim va koʻnikmalarni shakllantirishga qaratilgan.
‼️ Ushbu o‘quv kursida masofaviy shaklda, ish va oʻqish jarayonidan ajralmagan holda ishtirok etish mumkin.
📌 Kurs platformasi: 👉 https://fmi-platforma.uz/
✅ Universitetning professor-oʻqituvchilari, barcha xodimlari va talabalarini mazkur platforma bilan tanishishga hamda oʻquv kursida faol ishtirok etishga chorlaymiz!
⚡️ Unutmang: favqulodda vaziyatlarda toʻgʻri harakat qilishni bilish — hayot va salomatlikni asrashning muhim shartidir!
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️