#Talaba_va_amaliyot
 
Bugun Energetika muhandisligi fakulteti “Energetika muhandisligi” kafedrasining 4-bosqich talabalari 4+2 shaklidagi dual taʼlim dasturi doirasida “Issiqlik elektr stansiyalari” AJ Muborak issiqlik elektr markazi filialida amaliy mashgʻulotlarda ishtirok etmoqdalar.
 
Mazkur taʼlim jarayoni nazariy bilimlarni bevosita ishlab chiqarish amaliyoti bilan uygʻunlashtirishga qaratilgani bilan ahamiyatlidir.
 
Amaliy mashgʻulotlar davomida talabalar issiqlik va elektr energiyasini ishlab chiqarishning texnologik jarayonlari, energetika qurilmalarining ishlash tamoyillari hamda ishlab chiqarish jarayonlarini tashkil etishning oʻziga xos jihatlari bilan yaqindan tanishdilar.
 
Mazkur amaliy mashgʻulotlar boʻlajak energetika muhandislarining kasbiy kompetensiyalarini rivojlantirish, nazariy bilimlarini mustahkamlash hamda real ishlab chiqarish sharoitida amaliy tajriba orttirishlariga xizmat qilmoqda.

Bizni birga kuzatib boring: 👇
🌐 Website | 📱 Facebook | 📱 Instagram   | 📱  YouTube

QarDTU axborot xizmati ✍️