Ta’lim sifati va amaliyot integratsiyasi: fakultetlarda ochiq muloqotlar
Raqamli texnologiyalar va sunʼiy intellekt hamda Iqtisodiyot va boshqaruv fakultetlarida Taʼlim sifatini nazorat qilish boʻlimi ishtirokida uchrashuv va davra suhbatlari tashkil etildi.
Muloqot chogʻida zamonaviy mehnat bozori talablariga mos kadrlar tayyorlash, oʻquv jarayonini ilgʻor xalqaro standartlar hamda meʼyoriy-huquqiy asoslar asosida takomillashtirish masalalari atroflicha muhokama qilindi.
Talabalarning bitiruv malakaviy ishlari mavzulari bevosita hududiy tarmoqlar, mahalliy korxona va tashkilotlarning real texnik hamda iqtisodiy muammolariga yechim sifatida shakllantirilishi lozimligi taʼkidlandi. Bu esa oliy taʼlim, mahalla va ishlab chiqarish integratsiyasini amalda mustahkamlashga xizmat qiladi.
Professor-oʻqituvchilar va talabalar bilan bevosita suhbatlashilib, mashgʻulotlarning oʻtkazilish sifati, zamonaviy axborot texnologiyalaridan foydalanish darajasi tahlil qilindi.
Oʻquv jarayonini yanada samarali tashkil etish, taʼlim sifatini oshirish boʻyicha professor-oʻqituvchilar hamda talabalarning taklif va mulohazalari tinglanib, tegishli vazifalar belgilab olindi.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️