Bugun universitetimizda “Biz – giyohvandlikka qarshimiz” shiori ostida “Gulxan atrofida” tadbiri boʻlib oʻtdi.
Tadbirda Oʻzbekiston Respublikasi Prezidenti administratsiyasi huzuridagi Narkotiklar va oʻqotar qurollarni nazorat qilish agentligi masʼul xodimi Jonibek Yusupov boshchiligidagi ishchi guruhi a’zolari, universitet rahbariyati, professor-oʻqituvchilar hamda talabalar ishtirok etdilar.
Talabalar bilan muloqot mavzusi bugungi kunning dolzarb masalalari – giyohvandlik illatiga qarshi kurashish, bunda yoshlarning faol ishtiroki, sogʻlom turmush tarzining ahamiyati haqida boʻldi.
Yoshlarning boʻsh vaqtini mazmunli oʻtkazish maqsadida tashkil etilgan kechada talabalar tomonidan sahnalashtirilgan dasturlar namoyish etildi. Kuy-qoʻshiqlar barchaga xushnudlik ulashdi.
Tadbirda faol qatnashgan talabalar taqdirlandilar.
Bizni birga kuzatib boring: 👇
🌐 Website | 📱 Facebook | 📱 Instagram | 📱 YouTube
QarDTU axborot xizmati ✍️