#Muhim_sana

15-OKTABR — XALQARO QISHLOQ AYOLLARI KUNI!

Nima uchun aynan shu sana?
Har yili 16-oktabrda Butunjahon oziq-ovqat kuni nishonlanadi. Qishloq ayollari esa oziq-ovqat yetishtirish, dehqonchilik va chorvachilikda katta hissa qoʻshadi. Shu sababli 15-oktabr, yaʼni oziq-ovqat kunidan bir kun oldin, qishloq ayollarining mehnatini eʼtirof etish uchun tanlangan.

Tashabbus ibtidosi
1995-yilda Pekinda boʻlib oʻtgan Ayollar boʻyicha IV Butunjahon konferensiyasida xalqaro nodavlat tashkilotlar qishloq ayollarining jamiyat taraqqiyotidagi oʻrnini alohida eʼtirof etish taklifini ilgari surgan. 15-oktabr sanasi shu tashabbus asosida tanlangan.

BMT qarori
Birlashgan Millatlar Tashkiloti Bosh Assambleyasi 2007-yilda 15-oktabrni Xalqaro qishloq ayollari kuni sifatida belgilagan. Bu sana ilk bor xalqaro miqyosda 2008-yilda rasman nishonlangan. Bu kun orqali dunyo hamjamiyatiga qishloq ayollarining beqiyos hissasi eslatiladi.
 
Oʻzbekiston uchun ahamiyati
Oʻzbekiston qishloqlarida ayollar nafaqat dehqonchilik va chorvachilik, balki taʼlim, tibbiyot, tadbirkorlik va mahalla hayotida ham faol ishtirok etadi. Ularning mehnati koʻpincha koʻzga tashlanmaydi, ammo oila farovonligi va jamiyat taraqqiyotida katta ahamiyatga ega.
 
Fursatdan foydalanib, yurtimizdagi barcha xotin-qizlarni Xalqaro qishloq ayoli kuni bilan samimiy muborakbod etamiz!

Bizni birga kuzatib boring: 👇
🌐 Website | 📱 Facebook | 📱 Instagram   | 📱  YouTube

QarDTU axborot xizmati ✍️