«Калі б не падатак, то ўжо былі б у плюсе». Як беларус прадае сувеніры ў цэнтры Вільні 📌

Турысты з усіх канцоў свету і мільён бараў — у такой атмасферы працуе хэнд-мэйд крама «Кропка» ў цэнтры Вільні. Замест таннага пластыку з Кітая Зміцер і Вольга Фурманавы прадаюць тут рэчы ручной работы ад 150 лакальных майстроў і майстрыц, а на паліцах ляжыць тавараў прыкладна на 30 тысяч еўра.

Разбіраемся, як жыве беларускі хэнд-мэйд за мяжой 👇

🔹 На адкрыццё спатрэбілася каля €15 тысяч (з іх €5 тысяч — крэдыт). Абарот складае ад 3 да 8 тысяч еўра на месяц, але цяпер крама пачала плаціць 21% ПДВ, і гэта даецца няпроста. «Пачалі плаціць гэты падатак з кастрычніка мінулага года. І, калі б не ён, то, магчыма, ужо былі б у плюсе», — кажа Зміцер.

🔹 Самае выгаднае — танныя дробныя рэчы (магніцікі, бірулькі, паштоўкі). У сезон іх купляюць па сотні на дзень. Па-за сезонам асноўныя пакупнікі — беларусы, якія купляюць кнігі і цішоткі.

🔹 У залі «Kūrybinė erdvė» праводзяць бясплатныя тэматычныя імпрэзы і кінапаказы арт-хаўса. «Зараз у Беларусі ўсё беларускае знішчаецца. І каб захаваць беларушчыну хаця б за мяжой, трэба ставіць перад сабой такія задачы», — тлумачыць уладальнік.

👉 Гартайце карткі, каб даведацца больш пра цэнаўтварэнне і жыццё крамы!

🔗 Поўнае інтэрв’ю чытайце па спасылцы: https://spravy.io/2026/07/tavarau-na-eur30-tysjac-jak-belarus-pradae-suveniry-u-centry-vilni/