Памёр вядомы рэжысэр-дакумэнталіст Юры Хашчавацкі😢

Стала вядома пра сьмерць беларускага кінарэжысэра, ляўрэата міжнародных кінафэстываляў у Нью-Ёрку, Сан-Францыска, Жэнэве, Бэрліне, Бялградзе, Кіеве, Санкт-Пецярбургу і іншых гарадох. Пра гэта паведамілі ягоныя знаёмыя.

Юры Хашчавацкі — аўтар больш як 30 кінафільмаў, найбольш вядомы зь якіх — «Звычайны прэзыдэнт» (1996), у якім ён паказаў сутнасьць рэжыму Аляксандра Лукашэнкі, які незадоўга да таго прыйшоў да ўлады ў Беларусі.