🗣Қазақстанда қыркүйек айының соңғы жексенбісінде Еңбек күні атап өтіледі. Осыған орай ҚМГ мұнай-газ саласында еңбегімен үлгі-өнеге болып, «Адал адам – Адал еңбек – Адал табыс» қағидатын ісімен танытып жүрген жұмысшы мамандар туралы бейнероликтер топтамасын ұсынады.
🏭Солардың бірі мұнай өңдеу өндірісіндегі күрделі жабдықтардың қалыпты жұмысын бақылап, ақауды алдын алуға жауап беретін — Шымкент мұнай өңдеу зауытындағы каталитикалық крекинг қондырғысының механигі Аппаз Керимбердиев.
▪️Ол зауытта 33 жылдан бері қажырлы еңбек етіп келеді. Осы уақыт ішінде өндірістің қыр-сырын меңгеріп, мол тәжірибе жинады.
▪️Аппаз Манапұлының айтуынша жалпы жұмыста тәжірибенің орны бөлек болғанымен, заманмен бірге өзгеріп, жаңа технологияны меңгеру де маңызды.
— Зауыттағы қондырғылардың қалай өзгергенін жақсы білемін деп ойлаймын. Себебі 33 жыл өмірімді бір салаға арнап келе жатырмын. Бұрын жабдықтың ақауын көбіне тәжірибеге сүйеніп анықтайтынбыз. Дыбысына, діріліне, жұмыс істеуіне қарап, мәселенің қай жерден шыққанын шамалайтынбыз. Қазір цифрлық технологиялардың көмегімен қондырғының жағдайын нақты уақыт режимінде бақылауға болады. Бұл бұзылу жағдайларын ертерек біліп, үлкен проблемаларға жол бермеуге мүмкіндік береді, — дейді ол.
✔️Бүгінде Аппаз Манапұлы өз тәжірибесін жас мамандарға үйретіп, өндірістегі сабақтастықты жалғастырып келеді.
Біз әрбір қызметкердің адал еңбегін қадірлейміз, олардың маңдай терін мақтан етеміз.
📱 ҚазМұнайГаз