СПОРТНИНГ ЎЙИН ТУРЛАРИ ВА ЕНГИЛ АТЛЕТИКА БЎЙИЧА ИСМ

“ЁШЛАР КУНИ” МАЗМУНАН БОЙ КЕЧМОҚДА

Маълумки, Президентимиз ташаббуси билан “Ёшлар куни” ҳаётга татбиқ этилган. Ҳар ҳафтанинг пайшанба куни соҳа мутассаддилари спортчилар билан учрашиб, уларнинг шуғулланишлари учун яратилган шароитлар, таклиф ва истакларини ўрганишмоқда.
Жорий пайшанба ҳам бундан мустасно бўлмади. Спортнинг ўйин турлари ва енгил атлетика бўйича ихтисослаштирилган спорт мактабида бўлиб ўтган навбатдаги тадбирда маҳорат масканининг гандбол, бадминтон, шахмат, чим устида хоккей, баскетбол ва теннис гуруҳларининг 55 нафар тарбияланувчиси иштирок қилди.
Давра суҳбати тарзида уюштирилган учрашувда Хоразм вилояти Спорт бошқармаси бошлиғи ўринбосари Дилшод Ибрагимов ва СЎТЕАИСМ директори Жамоладдин Абдуллаев қатнашиб, ўғил-қизларнинг фикр-мулоҳазаларини тинглашди, келгуси режалари билан қизиқдилар. Ўз навбатида ёш спортчиларнинг саволларига жавоблар беришди.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

"ВАТАНПАРВАР” ТАШКИЛОТИНИНГ 35 ЙИЛЛИГИГА БАҒИШЛАНДИ

Ўзбекистон Республикаси мудофаасига кўмаклашувчи “Ватанпарвар” ташкилоти Хоразм вилояти кенгаши тасарруфидаги Вилоят техник ва амалий спорт турлари маркази ҳамда шаҳар ва туманлар Ўқув спорт техника марказлари томонидан мунтазам равишда маънавий- маърифий тадбирлар, спорт мусобақалари ўтказиб келинмоқда.
Бундай тадбирлар ёшлар қалбида ватанпарварлик ва ватанга садоқат туйғусини шакллантиришга, улар орасида спортнинг техник ва амалий турларини янада оммалашишига хизмат қилаётир.
“Ватанпарвар” ташкилоти ташкил топганлигининг 35 йиллигига бағишлаб Гурлан тумани ЎСТМ ташаббуси билан 21-сон умумтаълим мактабида уюштирилган тадбир чоғида ташкилот фаолияти, у ерда яратилган шарт-шароит ва имкониятлар ҳақида батафсил маълумот берилди. Бунинг баробарида, пневматик милтиқдан ўқ отиш биринчилигида ўқувчилар мерганлик маҳоратини синовдан ўтказишди.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

ХОРАЗМЛИК ВОЛЕЙБОЛЧИ ҚИЗЛАР – ЎЗБЕКИСТОН КУБОГИ СОҲИБАСИ

Бир неча кун мобайнида Тошкент шаҳрида волейбол бўйича эркаклар ва аёллар жамоалари ўртасида Ўзбекистон Кубоги ўтказилди.
Якуний сарҳисобларга кўра, аёллар мусобақасида Урганч давлат университетининг талаба - волейболчилари шоҳсупасининг “олтин” поғонасига кўтарилиб, 2026 йилги Ўзбекистон кубогини бошлари узра сарбаланд қилишди.
Аёллар биринчилиги. 1-ўрин. УрДУ спорт клуби (Хоразм вилояти). 2-ўрин. АДПИ спорт клуби (Андижон вилояти). 3-ўрин. БухДУ спорт клуби (Бухоро вилояти).
Қувонарлиси, хоразмлик волейболчи қизларнинг ушбу юксак ютуғига Спортнинг ўйин турлари ва енгил атлетика бўйича ихтисослаштирилган спорт мактабининг икки нафар шуғулланувчиси - Зуҳра Шомуродова (тренери Садоқат Қурбонова) ва Эъзоза Исматова (тренери Фарҳод Хўжақов) ҳам муносиб улушини қўшдилар.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

ХОРАЗМЛИК ГАНДБОЛЧИ ҚИЗ – “ЭНГ ЯХШИ ЎЙИНЧИ”

Бироз олдин, гандбол бўйича аёллар жамоалари ўртасида ташкил этилаётган 2026 Women's IHF Nations Trophy Asia - Zone 3 босқичининг иккинчи кунги ўйинлари якунланди.
Куннинг охирги баҳсида Ўзбекистон ва Покистон жамоалари майдонга тушишди. Бу гал ҳам қизларимиз рақибаларига имкон қолдиришмади. Гандболчиларимиз 46:8 ҳисобида ютуққа эришдилар.
Кези келганда таъкидлаш лозим, Спортнинг ўйин турлари ва енгил атлетика бўйича ихтисослаштирилган спорт мактаби ва “Урганч РАНЧ” жамоаси вакиласи Илмира Байжанова мазкур учрашувнинг “Энг яхши ўйинчиси” деб топилди.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

ЁШ ШАХМАТЧИМИЗ “ТОШКЕНТ КУЗИ” СОВРИНДОРИ
 
Пойтахтимизда шахмат бўйича “Тошкент кузи-2026” халқаро рейтинг турнири ниҳоясига етди.
Жорий йилнинг 9-14 октябрь кунлари Халқаро шахмат академияси биносида уюштирилган мусобақанинг А-гуруҳида халқаро рейтингли, В-гуруҳида 2015 йилда туғилган ва ундан кичик ёшдаги шахматчилар дона сурди.
Эътиборлиси, В-гуруҳида вилоятимиз шарафини ҳимоя қилган СЎТЕАИСМ тарбияланувчиси Жавоҳир Шавкатов (тренери Юсуфбой Содиқов) бронза медалини қўлга киритди.
 
КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

ОЛИЙГОҲДА “ДЕКАН КУБОГИ” ҒОЛИБЛАРИ АНИҚЛАНДИ

Қайси идора ва ташкилотда ёхуд ўқув масканида жисмоний тарбия ва спорт ривожига жиддий ёндошилса, у ерда соғлом турмуш тарзига риоя қилинса ўша жойда ишнинг унуми ҳам, баракаси ҳам юқори бўлади. Бу муболаға эмас, албатта.
Бу борада Урганч давлат педагогика институтида диққатга молик ишлар амалга оширилаётир. Чунончи, талабалар, қўйингки, профессор-ўқитувчилар ва ходимлар ўртасида уюштирилаётган спорт тадбирлари буни исботи.
“Беш ташаббус олимпиадаси” ўйинлари доирасида педагогика факультетида мини футбол ва волейбол бўйича ташкил этилган “Декан кубоги” ҳам олийгоҳда спортни янада оммалаштиришга қаратилаётган эътибор самарасидир.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm

ГАНДБОЛЧИ ҚИЗЛАРИМИЗ ЖАҲОН ЧЕМПИОНАТИГА ЙЎЛ ОЛИШДИ

Жорий йилнинг 16-24 октябрь кунлари Марокаш давлатининг Агадир шаҳрида ўн олти ёшгача бўлган (U-16) қизлар жамоалари ўртасида гандбол бўйича I-жаҳон чемпионати бўлиб ўтади. Илк бор ташкил этилаётган мундиалда сайёрамизнинг 16 та жамоаси куч синашади.
Эътиборлиси, СЎТЕАИСМ тарбияланувчилари Шайдо Матёқубова ва Шабнам Матёқубова (тренери Мансурбек Бобожонов, иккаласи ҳам Урганч туманидаги 19-сон мактаб ўқувчиси) Ўзбекистон терма жамоаси таркибида майдонга тушади.
Терма жамоамиз жой олган С-гуруҳи учрашувлари жадвали:
16 октябрь. Германия – Мексика, Ўзбекистон – Тунис.
18 октябрь. Тунис – Германия, Ўзбекистон – Мексика.
20 октябрь. Мексика – Тунис, Германия – Ўзбекистон.
Ярим финаллар 22 октябрга, 3-ўрин учун ва финал ўйинлари 24 октябрга мўлжалланган.

КАНАЛИМИЗГА АЪЗО БЎЛИНГ
👇👇👇
https://t.me/khorazmsoyaibosm