Farg’onaga sayohat

Hondamir ikkalamizni mutaxassis/mentor sifatida Toshkentdan Farg’onaga davlat banklari rahbarlarini AI bo’yicha o’qitish uchun yuborishdi. Bu o’quv dasturini yo’lga qo’ygan tashkilotlarga kattakon rahmat aytmoqchiman. Chunki bu men uchun ajoyib networking bo’ldi. Bir yilda tanishib ulgirmaydigan bank rahbarlarini, 2 kunda men bilan tanishtirib qo’ydi. Bilasizlar, men networking (o’zbekcha tanish-bilish emas) ni yaxshi ko’raman.

Kunimni mentorlik bilan o’tkazayotgan bir paytimda, bizni Farg’onadaligimizni eshitib, viloyat hokimining AI bo’yicha maslahatchisi Bahrom aka yetib kelibdi. Zudlik bilan Farg’ona IT hamjamiyatining asosiy vakillari bilan choyxona tashkil etib yubordi.

Rasmdagi jamoa haqida to’xtalgim yo’q, eng pachog’i menman )) Ular bilan uchrashganimda, xuddi o’zimni Farg’onaga o’shalar bilan ko’rishish uchun kelgandek his qildim, banklar uchun emas.

Bu kabi e’tiborni boshqa viloyatda ko’rmagandim. Xatto markaziy bank xodimlaridan rahbarlarigacha muomalali insonlar ekan. Mana buni mehmondorchilik desa bo’ladi.

@mukhammadkarim_tukhtaboev