🙏МАЛІТВА ЗА ЎСІХ НАШЫХ НЕСПРАВЯДЛІВА ЗНЯВОЛЕНЫХ СЁСТРАЎ І БРАТОЎ🙏

Сёння, 21 траўня, у Дзень беларускага палітвязня, Беларуская парафія Дабравешчання запрашае памаліцца за ўсіх нашых несправядліва зняволеных сёстраў і братоў i за іх найхутчэйшае вызваленне!

Малітва адбудзецца пасля мітынгу а 20.00 па адрасу Bokšto gatvė 4.

Сёліта Дзень палітвязня супадае з вялікім хрысціянскім святам Узнясення.

Гасподзь Іісус узносіць на прастол Божай Славы нашу чалавечую прыроду, узвышае яе над Нябёсамі Нябёсаў.

Менавіта гэтая падзея ёсць асновай хрысціянскага гуманізму - нельга забіваць, прыніжаць і зневажаць тое, што прынята і ўзнесена Богам!

Таму малітва за нашых палітвязняў у гэты дзень найбольш дарэчная і патрэбная.

Запрашаем далучыцца да супольнай малітвы каб адзінымі вуснамі і адзіным сэрцам звярнуцца да Нябеснага Айца затых, хто яшчэ за кратамі!

🗓️ Чацвер 21 траўня
🕐 20:00
📍 Праваслаўная царква Канстанцінопальскага патрыярхату (Bokšto g. 4)