НҮҮДЛИН ШОВУХА МИНЬ

Намр эклх цагт
Нүүдлин бичкхн шовуд
Өмн үзг тал зулна,
Үүрән хаяд ниснә.

Мини седклин шовуха,
Манн-буднд бултад,
Ар үзгт нисвч.
Намаһан яһад хайсмбч?

Дууһан дуулҗ дуусаго
Дуулдг шовуха минь
Кезә хәрү ирхмбч?
Кезә нанд дуулхмбч?

Нарта халун өдрт,
Намрин харңһу сөөд,
Нам җим болсн теңгр минь
Наласн болад хәләнә.

Серүн салькн үләхд,
Сәәхн одд чирмлдхд,
Хойр нүдичн үзнәв,
Хәәр-дуричн медрнәв.


Ке-Җилһн (Манҗин Санл)
2026.09.01