🎓 Qarshi davlat texnika universitetida yoshlar bilan ochiq muloqot o‘tkazildi

Bugun “Yoshlar kuni” doirasida Qarshi davlat texnika universitetida yoshlar bilan uchrashuv tashkil etildi. Unda Innovatsion rivojlanish agentligi Qashqadaryo viloyati bo‘linmasi rahbari Laziz Abduazizov ishtirok etdi.

💡 Uchrashuv davomida yoshlarni ilmiy va innovatsion faoliyatga jalb etish, startap g‘oyalarini rivojlantirish hamda ularni amaliy loyihalarga aylantirish masalalari muhokama qilindi.

Shuningdek, Innovatsion rivojlanish agentligi tomonidan e’lon qilinayotgan tanlov va dasturlar, ularda ishtirok etish tartibi, yoshlar uchun yaratilgan imkoniyatlar hamda innovatsion tashabbuslarni qo‘llab-quvvatlash mexanizmlari haqida ma’lumot berildi.

🚀 Muloqot yoshlarning ilmiy izlanish va innovatsion loyihalarga qiziqishini oshirish, ularni mavjud imkoniyatlardan faol foydalanishga undashga qaratildi.

🌐 Bizni kuzating: @Qarshiinnovation