KASE-нің кешкі шолуы 🌙

ҚОР НАРЫҒЫ

Сәрсенбі күні KASE индексі 0,51%-ға төмендеп, 7 776,97 тармақты құрады. Өкілдік тізімдегі акциялар арасында ең көп мәміле «Қазақстан Халық Банкі» АҚ акцияларымен жасалды – 2 473. Мәмілелердің ең үлкен көлемі «Қазатомөнеркәсіп» ұлттық атом компаниясы» АҚ акцияларына тиесілі болды – 264,3 млн KZT. Бір эмитенттің акциялары өсім көрсетті: «Кселл» АҚ (+0,40%).

АҚША НАРЫҒЫ

Мемлекеттік бағалы қағаздармен (МБҚ) бір күндік мерзімге (TONIA) репо операцияларының кірістілігі 2 б.п.-қа төмендеп, сауда-саттық күнінің қорытындысы бойынша жылдық 16,00% құрады. АҚШ доллары кепілімен бір күндік мерзімге KZT-ні қарызға алу мөлшерлемесі (SWAP-1D (USD)) 16 б.п.-қа өсіп, жылдық 11,25% құрады. Ақша нарығының бір күндік құралдарымен сауда-саттықтың жиынтық көлемі 573,150 млрд KZT-ні құрады.

ВАЛЮТА НАРЫҒЫ

Сағат 17:00-дегі жағдай бойынша сәрсенбі күнгі сауда-саттық қорытындысы бойынша «ертең» есеп айырысу мерзімімен АҚШ долларының KZT-ге шаққандағы орташа өлшенген бағамы 451,21 KZT-ні құрады. Ұлттық валюта 2,73 KZT-ге әлсіреді. Сауда-саттық көлемі 445,129 млн АҚШ долларын құрады. Барлығы 1 175 мәміле жасалды. Ең төменгі баға АҚШ доллары үшін 449,50 KZT, ең жоғары баға 453,00 KZT, ал соңғы мәміленің бағасы 452,40 KZT болды.

Лондонның ICE Futures биржасында Brent мұнайына желтоқсан фьючерстерінің құны сәрсенбі күні Алматы уақытымен сағат 18:00-ге дейін 0,16%-ға өсіп, барреліне 105,85 АҚШ долларын құрады.