Әйелдер кәсіпкерлігі – экономикалық өсудің маңызды ресурстарының бірі. Капитал нарығы және атап айтқанда Қазақстан қор биржасы осы әлеуетті ашуға қалай көмектесе алады?

Бұл туралы 23 қыркүйекте Алматыда "БҰҰ-әйелдер" құрылымының қолдауымен өткен Гендерлік теңдік және әйелдердің құқығы мен мүмкіндігін кеңейту мәселелері жөніндегі жоғары деңгейдегі диалогқа қатысушыларға KASE-нің халықаралық ынтымақтастық және орнықты даму жөніндегі басқарушы директоры Екатерина Андрюшина айтып берді.

Оның айтуынша, қолдау тетіктерінің бірі KASE-нің серіктес ұйымдармен бірлескен бағдарламалары болуы мүмкін. Олардың қатарында облигациялар бойынша мөлшерлемені және шығарылымды дайындауға жұмсалатын шығынды субсидиялау, сондай-ақ қаржылық сауаттылықты арттырудан бастап KASE-де қаржыландыру тартуға дейінгі білім беру және акселерациялық бағдарламалар бар.

Бүгінде KASE-де ESG-облигациялардың 38 шығарылымы тіркелген, орналастырудың жалпы көлемі шамамен 2,9 млрд АҚШ долларын құрайды. 2026 жылдың сегіз айында 900 млн АҚШ долларынан астам сомаға 11 жаңа шығарылым тіркелді.

"Серіктес ұйымдардың қаржыландыруы мен сараптамасын KASE инфрақұрылымымен біріктіре отырып, біз әйелдер басқаратын компаниялардың көбірек санына капитал нарығының құралдарына қол жеткізуге көмектесе аламыз", – деп атап өтті Екатерина Андрюшина.