​​Напрыканцы 2022 году.
Ён апынуўся зусім не такім, як мы ўсе чакалі. Развязаная расеяй агрэсія супраць Украіны прынцыпова змяніла палітычную сітуацыю ў Еўропе і, вядома ж, вакол Беларусі. Увага ўсяго цывілізаванага свету прыцягнута да гераічнай барацьбы Украінцаў супраць захопнікаў. Памяньшэнне ўвагі да Беларусі пакуль яшчэ дазваляе ўладарыць аграфашысцкай хунце, якая хаваецца ў ценях вялікай вайны і працягвае штодзённыя злачынствы.

Разам з тым, вайна павінная была канчаткова пазбавіць усіх беларусаў ілюзіяў аб мудрасці ці адэкватнасці крамлю. Якія б розныя не былі на першы погляд чэкіст пуцін і вясковы жлоб лукашэнка - абое рабое, шалёныя вар’яты і ваенныя злачынцы.

Нягледзячы на ўсе жахі вайны, мы атрымалі надзею на вызваленне. Мужныя казакі паказалі на справе, што ардынскія войскі кузьмічоў с “аналоговнетамі” можна эфектна і эфектыўна біць.

Наперадзе ў расеі прыніжэнне, разгромная ваенная параза і ізаляцыя. У гэты момант ад усіх нас будзе залежыць тое, як пройдзе мяжа ізаляцыі: па ўсходняй ці па заходняй мяжы Беларусі. Ці будзе нашаму краю наканавана выміранне і дэградацыя пад уладай садыстаў і забойцаў? Ці здолеем мы выйсці з цемры да свету?

Супраціў Каскаду рыхтуецца да рашучых дзеянняў. Летась карнікі неаднаразова намагаліся схапіць нас і ў выніку затрымлівалі выпадковых людзей. Але ж мы хуткім часам самі абавязкова прыйдзем па іх, спадзяемся ўжо сёлета.

Усім жыхарам Каскаду (за выключэннем некалькіх ябацек і мусарні) мы жадаем мужнасці і моцы з гонарам прайсці гэтыя складаныя часы і найхутчэй сустрэць Перамогу.

З надыходзячым Новым Годам!

Слава Україні! Жыве Беларусь!