Karčma 1863 | Карчма 1863

🍁 Восень, нарэшце, прыйшла ў Карчму. Ад сёння вас чакае восеньскае меню. Завітвайце на агеньчык!

Сёння спаўняецца 35 гадоў як 25 жніўня 1991 года Дэкларацыя аб дзяржаўным суверэнітэце БССР, якую прынялі 27 ліпеня 1990 года, атрымала сілу канстытуцыйнага закону, што юрыдычна замацавала незалежнасць Беларусі.
Са святам! Жыве Беларусь!

На фота - наступствы сённяшняга надвор'я. Ад нашай летняй тэрасы, добра, калі засталася палова. Галоўнае, на шчасце, ніхто не пацярпеў!!!

Цёплы і ўтульны вечар у Карчме 1863 з Максімам Знакам ❤️

💸 Увага! Гаражны распродаж у самым сэрцы Старога горада!

☦️ Беларуская праваслаўная супольнасць Канстанцінопальскага патрыярхата запрашае на вялікі гаражны распродаж.

🚍 Калі?
24 і 25 ліпеня з 10:00 да 20:00

🌐Дзе?
Вільня, Bokšto 4 (наступныя дзверы пасля рэстарана Karčma 1863).

Што вас чакае?
• кнігі,
• бытавая тэхніка,
• посуд,
• адзенне,
• прадметы дэкору,
і яшчэ шмат карысных і цікавых рэчаў па вельмі даступных цэнах.

Кожная ваша пакупка — гэта падтрымка нашай супольнасці. Усе сабраныя сродкі будуць выкарыстаныя на рамонт храма і іншыя патрэбы супольнасці.

Будзем рады сустрэчы з вамі! Запрашайце родных, сяброў і суседзяў!

Нарэшце, летка падрыхтавана для цёплага летняга адпачынку! 🫣❤️
Чакаем вас!

20 ліпеня ў Вільні адбудзецца доўгачаканы канцэрт Максіма Знака, шчыры і ўтульны!

Але на гэта не ўсё! Пасля канчэрту мы запрашаем усіх у Карчму 1863 на афтэрпаці. Гэта выдатная магчымасць абмеркаваць уражанні ад канцэрту і сустрэцца з Максам у абсалютна нефармальнай абстаноўцы - за куфлем смачнага піва і ў добрай кампаніі.

🎸 20 ліпеня 18.30 (Дом нацыянальнаых супольнасцей)
🍺 Пасля канцэрту Карчма 1863

Чакаем вас!

Абаронца Нью-Ёрку, вершнікі і нават пірат. Расказваем, як ураджэнцы беларускіх зямель дапамагалі ЗША заваяваць незалежнасьць → https://smarturl.click/qQjLv

4 ліпеня ЗША адзначаюць 250-годзьдзе незалежнасьці, абвешчанай падчас вайны 1775–1783 гадоў. Беларусам з школы вядома, што ў ёй удзельнічаў Тадэвуш Касьцюшка, за што быў уганараваны.

❗️Але Касьцюшка быў не адзіным.

Сябры, важная навіна для жыхароў Вільні – мы стварылі асобны акаўнт для нашых квэстаў Ulegendquests! 🔥

Там вас чакаюць актуальныя навіны пра будучыя квэсты і івэнты ў Вільні. Акрамя таго, вы можаце замовіць асобна будзь-які квэст для сваёй кампаніі.

А 21 чэрвеня а 14:00 мы вяртаемся з гарадскім квэстам «1863», які сёлета прысвячаем 200-годдзю Зыгмунта Серакоўскага, аднаму з кіраўнікоў паўстання 1863–1864 гадоў.

Пра квэст:
Вы перанясецеся ў 1863 год: вораг перахапіў чалавека з паролямі для паўстанцаў, атрад чакае на адмысловы сігнал. Ваша місія – прайсці па вуліцах староў Вількі, знайсці падказкі і дапамагчы паўстанцам даведацца пра бяспечнае месца збору.

🔗Усе падрабязнасці па спасылцы на рэгістрацыію

Пасля квэста ўсіх чакае вясёлая вечарына ў Карчме «1863» (Bokšto g. 2), а таксама пачастункі і сувеніры.

📍Кошт з 1 чалавека: 15 еўра (аплата наяўнымі на месцы)

30 траўня 1826 года нарадзіўся Зыгмунт Серакоўскі – адзін з кіраўнікоў паўстання 1863-64 гадоў, камандзір інсургентаў на Жмудзі. У 1863 годзе быў павешаны расіянамі на Лукіскім пляцу.

У 2019 годзе быў перапахаваны з вайсковымі ўшанаваннямі на могілках на Росах разам з Вінцэнтам Канстанцінам Каліноўскім і 20 удзельнікамі паўстання.

Сябры, у нядзелю 31 траўня запрашаем вас разам са стваральнікамі ULegend на экскрусію па Вільні Шляхамі паўстанцаў 1863 году, прысьвечаную 200-годзьдзю Зыгмунта Серакоўскага, якое адзначаецца напярэдадні.

Пачатак у 15-30 каля былога палацу Тышкевічаў на Троцкай (Trakų g. 1) на скрыжаваньні з вуліцай Завальнай (Pylimo g.). Рэгістрацыя праз у сторыз.

30 траўня 1826 году (па новым стылі) непадалёк ад Луцку на Валыні нарадзіўся адзін з кіраўніў паўстаньня 1863 - 1864 гг. Зыгмунт Серакоўскі, хіба адзін з самых недаацэненых зараз яго герояў.

Падчас экскурсіі Шляхам паўстанцаў 1863 года мы наведаем месцы, зьвязаныя ня толькі з Зыгмунтам Серакоўскім, а таксама з Кастусём Каліноўскім ды іншымі паўстанцамі, але даведаемся, дзе знаходзіўся Правінцыйны камітэт Літвы і Беларусі, дзе паўстанцы перахоўвалі зброю, дзе зьбіраліся напярэдадні паўстаньня і падчас. А скончым наш шпацыр, вядома, у Карчме 1863, дзе зможам годна адзначыць 200 годзьдзе Зыгмунта Серакоўскага.

Экскурсія праводзіцца за ахвяраваньні ад 10 еўра.

Фестываль халадніку з Карчмой 1863!

Адзін легендарны суп, чатыры традыцыйныя рэцэпты.
Прыходзьце пакаштаваць нашы літоўскі, беларускі, польскі і ўкраінскі халаднікі! Які з іх заваюе ваша сэрца?

Завітвайце да нас з 29 па 31 траўня і абярыце свой улюбёны варыянт!