Jizzax viloyati IIYIB JXX HPB boshligʻi rahbarligida Baxmal tumanida kiberxavfsizlik masalasida targʻibot tadbirlari tashkil etildi. Unda “APK Qo‘riqchi” platformasini amaliyotga keng joriy etish, uning imkoniyatlaridan samarali foydalanish, internet firibgarligining usullari va shaxsiy maʼlumotlarni himoya qilish qoidalari va "Humogram" dasturi, afzalligi tushuntirildi.
Shuningdek, yoshlar oʻrtasida jinoyatchilik va huquqbuzarliklarning barvaqt oldini olish maqsadida 1-son texnikum hamda tumandagi ixtisoslashtirilgan maktab oʻquvchilari ishtirokida uchrashuvlar oʻtkazildi. Tadbirlarda voyaga yetmaganlar va yoshlar oʻrtasida sodir etilayotgan jinoyatlar va huquqbuzarliklarning kelib chiqish sabablari xususida soʻz bordi. Oʻquvchilarga qonun talablariga rioya qilish, huquqbuzarliklarga yoʻl qoʻymaslik, boʻsh vaqtlarini mazmunli tashkil etish hamda taʼlim-tarbiyaga masʼuliyat bilan yondashish kerakligi yetkazildi.

Website | Telegram | Instagram | Facebook | Youtube | Murojaatyuborish