Jizzax viloyati huquq-tartibot organlari safida xizmat qilayotgan shahodatlangan xodimlar o‘rtasida sportning qo‘l jangi turi bo‘yicha viloyat «Dinamo» jismoniy tarbiya-sport jamiyati kengashi birinchiligi o‘tkazildi.
Musobaqadan maqsad HMQO xodimlarining maxsus jismoniy va jangovar tayyorgarligini yanada oshirish hamda xodimlarning yakkakurashdagi mahoratini takomillashtirishdan iborat bo‘ldi. Bellashuvlarda eng kuchli sportchi xodimlar ishtirok etib, g‘oliblik uchun keskin va murosasiz bahs olib bordilar.
Musobaqa yakuniga ko‘ra jamoaviy hisobda 1-o‘rin DXX jamoasiga nasib etdi. 2-o‘rin Jizzax viloyati IIB jamoasi egallagan bo‘lsa, 3-o‘rin bilan Milliy gvardiya Jizzax viloyati boshqarmasi jamoasi kifoyalandi.
G‘olib va sovrindor jamoalar hamda musobaqada yuqori natijalar qayd etgan sportchilar diplom va qimmatbaho sovg‘alar bilan taqdirlandi.
Website | Telegram | Instagram | Facebook | Youtube | Murojaatyuborish
Post #77184
1.57K
- 👍 5
- 🔥 1