Hammasi nazoratda

OpenAi o’zining chiroyli sarlavhalik maqolasini e’lon qildi. «Odamlarga Eng Kerakli Paytda Yordamlashamiz»! Aslida esa chirkin maqsadlariga yo’l ochish uchun maqola e’lon qildi! Xavfsizlik «niqobi» ostida qilinayotga bu algoritmik o’zgarishlar odamlarning emotsional, o’ta shaxsiy profilini tuzishga chuqur yordam beradi. Endi tasavvur qiling, sizni ichki kechinmalaringiz bilan to’liq profilingizni tuzib chiqqan Sun’iy Intellekt, sizga har qanday narsani sota oladi. Sizni hohlagancha nazorat qila oladi.

Bu xavfsizlik “da’vosi”ning boshqa tomoni ham bor. Ya’ni, har bir yozgan so‘zimiz real vaqt rejimida “skan” qilinadi.

Bu esa:

• Doimiy kuzatuv – barcha suhbatlarimiz xavf signallari uchun «tekshiriladi».

• Profil yaratish – vaqt o‘tishi bilan odamning ruhiy holati bo‘yicha “dosye” tuzilishi mumkin.

• Tashqi aralashuv – xavfli deb topilgan ma’lumotlar moderatorlar (insonlar) ko‘rigiga tushadi, ba’zan huquq-tartibot idoralariga ham.

• Ma’lumot markazlashuvi – odamlarning eng shaxsiy, sog‘liq va hissiyotga oid ma’lumotlari bir joyda jamlanib, kompaniya yoki boshqalar tomonidan suiiste’mol qilinishi mumkin.

• Tarmoq kengayishi – favqulodda kontaktlar, tashqi mutaxassislar bilan ulanish esa yanada ko‘proq ma’lumot almashinuvini keltirib chiqaradi.

Xullas, yordam niqobi ostida odamlarning eng shaxsiy suhbatlarini doimiy ravishda kuzatish odatiy holga aylanish xavfi bor. Shu orqali “insonlarga yordam” degan shior bilan ommaviy raqamli nazorat dunyosi shakllanishi mumkin.

1984 ga xush kelibsiz.

@birfoizbilim