⚽️ Surxondaryoda IT Park rezidentlari o‘rtasida mini futbol turniri o‘tkazildi

O‘zbekiston Respublikasi Mustaqilligining 35 yilligi munosabati bilan Surxondaryo viloyatida IT Park Uzbekistan rezident kompaniyalari o‘rtasida mini futbol turniri tashkil etildi.

🏆 “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tgan turnirda 10 ta rezident kompaniya jamoasi ishtirok etdi.

Musobaqa davomida ishtirokchilar nafaqat sport mahorati, balki jamoaviylik, hamjihatlik va g‘alabaga bo‘lgan intilishini ham namoyish etdi.

Qizg‘in va murosasiz bahslar yakuniga ko‘ra:

🥇 1-o‘rin — “Brain IT” MChJ
🥈 2-o‘rin — “Joylinks IT Academy” MChJ
🥉 3-o‘rin — “IT Call” MChJ

🎉 G‘olib va sovrindor jamoalar diplom hamda esdalik sovg‘alari bilan taqdirlandi.

Mazkur turnir IT Park Uzbekistan rezidentlari o‘rtasidagi do‘stona aloqalarni mustahkamlash, jamoaviy ruhni oshirish va sog‘lom turmush tarzini targ‘ib etishga xizmat qildi.