🎉 Алматы қаласында Құсбегілік чемпионаты өтті! 🦅
Алматы қаласы, 2025 жылдың 1-ақпаны — құсбегіліктен өткен дәстүрлі чемпионаттың нәтижелері шықты. Бұл жарыс Алматының ең үздік құсбегілерін анықтау мақсатында ұйымдастырылды. Құстардың ұшып, аңшылық қабілеттерін сынға салатын бұл сайысқа көптеген кәсіби және әуесқой құсбегілер қатысты.
Computer Science мамандығының 4-курс студенті Аяжан Даниярқызы осы чемпионатта ерекше жетістіктерге қол жеткізді.🏅
🔹 Бүркіт құсы бойынша – 3-орын 🔹 Қаршыға құсы бойынша – 2-орын
Аяжанның бұл жетістігі — оның табандылығы мен кәсіби шеберлігінің дәлелі. Әрбір құстың өз ерекшелігі мен қырлары бар, ал Аяжан оларды керемет меңгеріп, жоғары нәтижелерге жетті. Бұл жеңіс оның ұзақ уақыт бойы құсбегілік өнеріне деген сүйіспеншілігінің, қажырлы еңбегінің және мол тәжірибесінің жемісі.
Бұл чемпионат Алматы қаласында құсбегілікті дамыту және оны жаңа деңгейге көтеру мақсатында өтті. Аяжанның жеңісі тек өзіне ғана емес, біздің университетімізге және құсбегілік өнеріне деген қызығушылықты арттыруға үлес қосады.
Аяжанды институт басшылығы атынан шын жүректен құттықтаймыз!