​​Автоматтандыру және ақпараттық технологиялар институты, Computer Science мамандығы бойынша 3 курс студенті Кожагельдиев Бексултан Жанабергенович "Тәуелсіздік ұрпақтары" грантын иегері атанды!

Алматы Қаласында "Тәуелсіздік ұрпақтары" грантының жеңімпаздарын салтанатты марапаттау рәсімі өтті.

Шара қалалық Жастар саясаты басқармасының қолдауымен ұйымдастырылды. Жастардың бастамасын қолдауға бағытталған бұл грантқа 150-ден астам өтінім келіп түскен. Нәтижесінде комиссия шешімімен 6 бағыт бойынша 13 ерекше жоба ұсынған талантты жастарға 1 000 000 теңгеден үлестірілді. Атап айтқанда, грант иегерлері ғылым, мәдениет, ақпараттық технологиялар, бизнес, медиа және волонтерлік салалары бойынша марапатталды.