🔰Қ. Сәтбаев атындағы Қазақ ұлттық техникалық зерттеу университетінің профессор-оқытушылар құрамының Қаржылық мониторинг агенттігіне сапары өтті.

Кездесу барысында тараптар одан әрі ынтымақтастық пен өзара іс-қимыл перспективаларын талқылады.
Агенттік қызметкерлері цифрлық активтер саласындағы аналитикалық жұмыс тәжірибесімен бөлісті.

Сондай-ақ, делегация қатысушылары криминалистикалық басқарманың қызметімен танысып, студенттердің ғылыми зерттеуі мен дипломдық жұмыстары шеңберінде жаңа ақпараттық бағдарламаларды әзірлеуге дайын екендерін білдірді.

Тараптар “AML Academy” Қаржылық мониторинг академиясында студенттер үшін тағылымдамаларды ұйымдастыру және университетте АЖ/ТҚҚ саласында сауаттылық пәнін енгізу мүмкіндіктері туралы уағдаластыққа қол жеткізді.

Кездесу қорытындысы бойынша ынтымақтастық туралы Меморандумға қол қойылды.