Headhunter (hh.uz) saytida vakansiyalarni ko’rayotganingizda, sarlavhadagi katta raqamlarga uchib, darrov quvonishga shoshilmang, do’stlar. Hozir nima demoqchiligimni bitta misolda tushuntirib beraman.

Skrinshotlarga e’tibor bering:
Vakansiya sarlavhasida oylik 15 000 000 – 30 000 000 so’m deb ko’rsatilgan. Lekin ichiga kirib, tavsifini (описание) o’qisangiz, u yerda daromad 1 000 dan 5 000 AQSh dollarigacha deb yozib qo’yilgan.

Bir qarashda hisob-kitob to’g’ri kelayotgandek tuyulishi mumkin, lekin bu yerda juda katta bitta "lekin" bor.
Sarlavhada yozilgan 15-30 mln so'm — bu siz ish boshlashingiz bilan naqd qo'lingizga tegadigan aniq (fiksirlangan) summa emas!

Aslida sizning fiks oyligingiz bor-yo'g'i 2 yoki 3 mln so’m bo’lishi, qolgan qismi esa faqatgina KPI, sotuv rejalari va bonuslar hisobiga shakllanishi mumkin. Ya'ni, rejani bajarsangiz olasiz, bajara olmasangiz — o'sha kichkina fiks bilan qolib ketasiz.

Kompaniyalar nima uchun bunday qilishadi?

1) E’tiborni tortish (Klikbeyt): Vakansiyalar orasida filtr qo'yilganda yuqoriroq chiqish va ko'proq odamni jalb qilish uchun eng maksimal, ideal holatdagi raqamlarni sarlavhaga chiqarishadi.

2) Motivatsiya: "Agar astoydil ishlasang, shuncha topishing mumkin" degan signalni berishga harakat qilishadi.

Do’stlar, agar ishga rostdan kirishni istasangiz va keyinchalik aldanib qolmaslikni xohlasangiz, suhbat jarayonida oylik masalasini yaaaxshilab aniqlashtirib oling.

Kompaniyadan aniq so'rang: "Fiks (kafolatlangan) qismi qancha va KPI shartlari qanday?"

© Karyerist

@ishcomuz